Vidi fonton por Esperantisto de la Jaro/Laŭreatoj

Jen la meritoj por kiuj iuj homoj estis elektitaj "[[Esperantisto de la Jaro]]".
== William Auld 1998 ==
{|
|-
| Per tio skota poeto [[William Auld]] estas proklamita la esperantisto de la jaro 1998. La proklamo rekonas la lastatempajn meritojn kaj atingojn de William Auld, interalie, la vastan amaskomunikilan eĥon pro lia kandidatigo al la literatura [[Nobel-premio]]; la kompletigon de la kolosa tradukprojekto [[Tolkien]] en Esperanto; la prudenton kaj volfirmon en la afero pri La Manto. Krome, la elekto estas bona komenco por la Jubilea Jaro de Auld, kiu 75-jariĝis en 1999.
| {{Vizaĝoj/bildeto|William Auld}}
|}
== Kep Enderby 1999 ==
{|
|-
| Per tio aŭstralia juristo [[Keppel Enderby|Kep Enderby]], [[prezidanto de UEA]] kaj de [[Esperanta Jura Asocio]], estas proklamita la esperantisto de la jaro 1999. Tiu ĉi proklamo rekonas la meritojn de Kep Enderby en la fortikigo de Esperantujo (aktiva partopreno en multaj kongresoj kaj tre grava parolado en la Berlina kunsido de la Strategia Forumo de la Esperanto-komunumo) kaj en la eksteraj rilatoj (precipe aktivado en la Internacia Konferenco de Neregistaraj Organizaĵoj en Seulo).
| {{Vizaĝoj/bildeto|Keppel Enderby}}
|}
== 2000 ==

=== Hans Bakker ===
[[Hans Bakker]] (Nederlando) meritis la rekonon pro la sukcesoj en la agado por [[Esperanto en Afriko]].


=== Mauro La Torre ===
{|
|-
| [[Mauro La Torre]] (Italio) iĝis laŭreato pro la projekto [[Interkulturo]], kies kvazaŭlernejo “Tibor Sekelj” jam ampleksas preskaŭ 100 klasojn el trideko da landoj kun ĉirkaŭ du mil lernantoj.
| {{Vizaĝoj/bildeto|Maŭro La Torre}}
|}

=== Jouko Lindstedt ===
[[Jouko Lindstedt]] (Finnlando) estas distingita pro la prizorgo de [[BJA-listo]], okazigo de seminario dediĉita al la 20-jariĝo de la [[Manifesto de Raŭmo|Manifesto de Rauma]] kaj pro la [[Hejma vortaro]], redaktita de li, kiu estis disvendita naŭ monatojn post la eldono kaj represita post la Tel-Aviva UK. 

== Osmo Buller 2001 ==
{|
|-
| [[Osmo Buller]] per sia demisio en 2001 finis la rezultoriĉan deĵorperiodon kiel [[Ĝenerala Direktoro de UEA]]. Danke al li la Gazetaraj Komunikoj de UEA regule kaj objektive informas la esperantistaron pri UEA. Lia septembra restado en Ĉinio kaj Litovio aktivigis la movadon tie kaj faris la rilaton de aŭtoritatoj en tiuj du landoj pli favora al Esperanto.
| {{Vizaĝoj/bildeto|Osmo Buller}}
|}
== Michel Duc Goninaz 2002==
{|
|-
| [[Michel Duc Goninaz]]  estas proklamita kiel la Esperantisto de la Jaro 2002. La internacia ĵurio elektis lin pro la eldono de la [[Plena_Ilustrita_Vortaro_de_Esperanto#Nova_Plena_Ilustrita_Vortaro_de_Esperanto|Nova Plena Ilustrita Vortaro]], kies reviziadon li gvidis dum pluraj jaroj.
| {{Vizaĝoj/bildeto|Michel Duc-Goninaz}}
|}
== Dafydd ap Fergus 2003==
[[Dafydd ap Fergus]], kimra ĵurnalisto laboranta en Bruselo, estas proklamita kiel la Esperantisto de la Jaro 2003. La internacia ĵurio elektis lin pro lia tre aktiva informa laboro en la [[Brusela Komunikad-Centro]].


== Helmar Gunter Frank 2004==
{|
|-
| Prof. Dr. sc. cyb. habil. [[Helmar Gunter Frank]] , prezidanto de la [[Akademio Internacia de la Sciencoj]] (AIS), estas proklamita kiel la Esperantisto de la Jaro 2004. La internacia ĵurio elektis lin pro la sukcesa kunordigo de la agadoj de AIS kaj de ties Universitataj Sesioj kaj pro ĉi-jara lanĉo de LEUKAIS ([[Libera Eŭropia Universitato Kelemantia de AIS]] en [[Komárno (Slovakio)]] ), unu el kies tri fondo-rektoroj li estas.
| {{Vizaĝoj/bildeto|Helmar Frank}}
|}
== Povilas Jegorovas 2005 ==

Kaŭna advokato [[Povilas Jegorovas]], prezidanto de la [[Litova Esperanto-Asocio]], estas proklamita la Esperantisto de la Jaro 2005.

La internacia komisiono elektis s-ron Povilas Jegorovas la Esperantisto de la Jaro 2005
* pro la bonega preparado kaj sukcesa realigo de la [[UK 2005|90a Universala Kongreso de Esperanto]] kaj de la 4a Nitobe-Simpozio en Vilno;
* pro la ekzemplodonaj rilatoj kun litoviaj aŭtoritatoj, intelektuloj kaj amaskomunikiloj, danke al kiuj Esperanto progresas en Litovio;
* pro la kunordigo de eldonado de gravaj libroj pri Esperanto en la litova lingvo. 

== Bertilo Wennergren 2006 ==
{|
|-
| Sveda esperantisto [[Bertilo Wennergren]], loĝanta [[nun en 2015|nun]] en Germanio, estas proklamita kiel la Esperantisto de la Jaro 2006 pro la [[Plena Manlibro de Esperanta Gramatiko]] (PMEG).
| {{Vizaĝoj/bildeto|Bertilo Wennergren}}
|}

== Peter Zilvar 2007 ==
Germana esperantisto [[Peter Zilvar]], prezidanto de [[Esperanto-Societo Sudharz]], gvidanto de la [[Germana Esperanto-Centro en Herzberg]] estas proklamita la Esperantisto de la Jaro 2007 pro diversflanka agado por kaj per Esperanto en [[Herzberg]] — la Esperanto-urbo. Lia agado estis intensa ankaŭ en 2007: serio de altnivelaj seminarioj kaj ekzamen-sesioj, starigo de novaj [[ZEO]]j, imitinda loka informado pri Esperanto, evoluigo de kunlaboro inter Herzberg kaj [[Góra]] (Pollando) k.a.

== Ilona Koutny 2008 ==
{|
|-
|  D-rino [[Ilona Koutny]], hungarino loĝanta en Pollando, estas proklamita la Esperantisto de la Jaro 2008 pro la kompetenta kaj sukcesa gvidado de la [[Interlingvistikaj Studoj]] ĉe la [[Universitato Adam Mickiewicz]] (UAM) en [[Poznań]]. Ĉi-jare ŝi aparte meritis rekonon pro la dekjariĝo de la Studoj, pro la ekzamensesio de la tria grupo, pro la unua instrurajta ekzameno kune kun [[ILEI]], pro la komenco de la kvara grupo, kaj speciale pro la simpozio "Lingvistikaj kaj kulturaj aspektoj de interlingvistiko", kiun ŝi pretigis kaj efektivigis en septembro 2008 ĉe UAM.
| {{Vizaĝoj/bildeto|Ilona Koutny}}
|}
== Aleksander Korĵenkov 2009 ==
[[Dosiero:Korĵenkov.JPG|eta|150px|S-ro Korĵenkov dum prelego en la [[Baltiaj Esperanto-Tagoj]] en julio 2007]]
[[Aleksander Korĵenkov]], Ruslanda ĵurnalisto kaj verkisto, estas proklamita la Esperantisto de la Jaro 2009 pro la ampleksa kaj zorga esplorado de la vivo, verkoj kaj ideoj de Zamenhof kaj pro tiutemaj verkoj kaj prelegoj, speciale pro la libro Homarano, aperinta en 2009 okaze de la [[UK 2009|94-a Universala Kongreso]] de Esperanto en [[Bjalistoko]]. 
{{-}}
==Katalin Kováts 2010==
{|
|-
| '''[[Katalin Kováts|Katalin KOVÁTS]]'''  estas [[hungara]] [[matematikisto]], [[lingvisto]], metodologo kaj [[esperantisto]].

Ŝi havis postenon en hungara universitatranga katedro de aplikata lingvistiko, kie inter aliaj ankaŭ interlingvistiko estas la baza studobjekto por estontaj lingvistoj. En ŝia doktora disertacio ŝi analizis la [[propedeŭtiko|propedeŭtikan valoron]] de [[Esperanto]]. Krom doni teoriajn lekciojn, ŝi ankaŭ trejnis lingvoinstruistojn pri [[metodologio]]. Ŝiajn spertojn ŝi aktive uzas en la plibonigo de Esperanto-[[instruado]]. 
| {{Vizaĝoj/bildeto|Katalin Kováts}}
|}

== Dennis Keefe 2011 ==

[[Dennis Keefe]], usona instruisto, nun en la universitato en [[Nankino]] (Ĉinio), internacie konata iniciatinto de Lingvaj Festivaloj, estas proklamita la Esperantisto de la Jaro 2011 pro la universitat-nivela disvastigo de Esperanto en Ĉinio kaj pro la evoluigo de la projekto “Esperanto-Insulo” en [[Hajnano]].

== Peter Baláž 2012 ==
{|
|-
| [[Peter Baláž]], slovaka esperantisto, kunordiganto de la asocio Edukado@Interreto ([[E@I]]) estas proklamita la Esperantisto de la Jaro 2012 pro starigo, evoluigo kaj prizorgo de gravaj retaj projektoj; modela kunlaboro kun landaj kaj Eŭropaj instancoj; okazigo de la [[Somera Esperanto-Studado|Somera Esperanto-Lernejo]] kaj de la scienca konferenco [[Konferenco pri Aplikoj de Esperanto en Scienco kaj Tekniko|KAEST]]; eldono de gravaj diskoj, libroj, broŝuroj kaj filmoj en/pri Esperanto; kaj pro tio, ke li sukcesas stimuli kaj (re)aktivigi multajn talentajn gejunulojn, kiuj sen tio eble perdus intereson pri Esperanto.
| {{Vizaĝoj/bildeto|Peter Baláž}}
|}
== Mark Fettes 2013 ==
{|
|-
| [[Mark Fettes]], universitata profesoro pri edukado en [[Vankuvero]], [[Kanado]], estas proklamita la Esperantisto de la Jaro 2013 pro la sukcesa kungvidado de la fondaĵo ESF, kiu subtenas multajn valorajn iniciatojn (NASK, Lernu!, Edukado.net k. a.); pro la kreado kaj diskonigado de la nova Strategia Laborplano de UEA; kaj pro alporto de nova etoso kaj energio al la gvidado de UEA, en la Rejkjavika UK kaj poste.
| {{Vizaĝoj/bildeto|Mark Fettes}}
|}
[[Kategorio:Esperantisto de la Jaro|Laŭreatoj]]