Vidi fonton por Majo de 2010

{{Aktualaĵoj de|Majo|2010}}

== 1-a de majo ==
* Dum la solenaĵoj, okazintaj en [[stadiono]] en [[Nalĉiko]] ([[Kabardio-Balkario]], [[Rusio]]) honore al la [[Tago de la Laboro]], okazis la eksplodo je 5 kg da [[TNT-ekvivalento]]. 21 homoj estis metitaj en malsanulejojn. Baldaŭe forpasis unu el vunditoj — 104-jara ''Saidli Ŝibzuĥov'', veterano de la [[Granda patriota milito]].
* Rezulte de du eksplodoj en [[moskeo]] en [[Mogadiŝo]] ([[Somalio]]) pereis 25 kaj estis vunditaj kekdekoj da homoj.
* La [[novaĵagentejo Xinhua]] lanĉis la unuan tutdiurnan [[Ĉinio|ĉinian]] prinovaĵan [[televidkanalo]]n en la [[angla lingvo]].

== 5-a de majo ==
* Forpasis la [[Niĝerio|niĝeria]] prezidanto [[Umaru Jar'Adua]]. Lian postenon transprenis [[Goodluck Jonathan]].
* Forpasis la fama [[Italio|itala]] [[Opero|operkantistino]] [[Giulietta Simionato]]. Ŝi havis 99 jarojn.
* En [[Grekio]] komenciĝis la [[ĝenerala striko]], kiun akompanas [[manifestacio]]j kaj surstrataj tumultoj. Rezulte de tio jam pereis almenaŭ tri homoj.
* La [[Rusio|rusia]] ministerio pri defendo publikigis pliĝustigitajn informojn pri perdoj de [[Sovetunio]] dum la [[Dua mondmilito]]. Ĝi konsistigis 26,6 milionoj da homoj, inkluzive de 8,6 militistoj.
* La [[cisternoŝipo]] ''"Moskovskij universitet"'' estis ostaĝigita de [[Pirateco en Somalio|somaliaj piratoj]]. En ĝi troviĝas 23 [[Rusio|rusiaj]] ŝipanoj.

== 6-a de majo ==
* Je nokto al la {{daton|6|majo}} la [[Marista infanterio|maristaj infanterianoj]] de la [[Rusio|rusia]] granda [[kontraŭsubmarŝipa ŝipo]] ''"Marŝal Ŝapoŝnikov"'' liberigis en [[Adena Golfo]] la cisternoŝipon ''"Moskovskij universitet"'', antaŭtage kaptita de somaliaj piratoj. Unu pirato estis mortigita, aliaj kaptitaj. Neniu el 23 rusiaj ŝipanoj damaĝiĝis.

== 7-a de majo ==
* La [[Nederlando|nederlanda]] militŝipo [[Johan de Witt (ŝipo)|Johan de Witt]], partopreninta la mision de la [[marfortoj]] de la [[Eŭropa Unio]] en [[Somalio]] ([[EU NAVFOR Somalia]]), likvidis la flosbazon de la [[Pirateco en Somalio|somaliaj piratoj]] kaj du boatojn de ili.
* Pro inundo en la sudo de [[Taĝikio]] jam pereis 13 homoj.
* En [[Azerbajĝano]] pro [[pluvtorento]]j la rivero [[Kura]] elbordiĝis kaj [[Inundo|inundis]] 20 milojn da domoj.
* Estis oficiale deklaritaj rezultoj de la [[Parlamenta balotado en Britio 2010|parlamenta balotado]] en [[Britio]]. 306 lokojn gajnis [[Konservativa Partio de Britio|Konservativa Partio]] gvidata de [[David Cameron]], 258 — [[Brita Laborista Partio|Laborista Partio]] gvidata de [[Gordon Brown]] kaj 57 — [[Liberal Democrat (brita partio)|Liberal Democrat]] estrata de [[Nick Clegg]]. Pliajn 28 lokojn disdividos aliaj partioj.
* La [[Germanio|germana]] [[Bundestag]] aprobis la registaran projekton, laŭ kiu la lando transdonu al [[Grekio]] dum tri jaroj 22,4 miliardojn da [[eŭro]]j kiel la financa subteno. Por la propono voĉdonis 390 el 601 deputitoj.

== 8-a de majo ==
* En [[Staten-Insulo]] ([[Novjorko]], [[Usono]]) la [[pramo]] de la firmao ''Staten Island Ferry'' trafis [[kajo]]jn. Ĉirkaŭ 65 homoj estis vunditaj, kvin el ili — grave.
* En la [[minejo]] ''"Raspadskaja"'' en la urbo [[Meĵdureĉensk]] ([[Kemerova provinco]], [[Rusio]]) okazis du eksplodoj. Rezulte de tio pereis 12 kaj vundiĝis 41 ministoj. Pli ol 50 ministoj kaj 20 savistoj evidentiĝis esti blokitaj subtere post la dua eksplodo.
* Apud la urbo [[Kaspijsk]] ([[Dagestano]], [[Rusio]]) ĉirkaŭ 23:00 okazis la eksplodo en fervojaj vojoj. Neniu estis damaĝita.
* La [[Rusio|rusia]] [[prezidanto de Rusio|prezidanto]] [[Dmitrij Medvedev]] transdonis al [[Bronisław Komorowski]] 67 volumojn de historiaj dokumentoj pri [[Masakro de Katyn]].
* Je 21:05 ([[Moskvo|moskva]] horo) en la urbo [[Derbent]] ([[Dagestano]], [[Rusio]]) en [[Kajo (fervojo)|kajo]] de [[fervoja stacidomo]] okazis eksplodo. Unu virino pereis, kvin aliaj homoj estis vunditaj, inkluzive de tri milicanoj.
* Je nokto al la {{daton|8|majo}} gvidantoj de 16 landoj de la [[Eŭropa Unio]] decidis fondi kontraŭkrizan fonduson, kies celo estu la mildigo de la sekvoj de kresko de la ŝtatŝuldoj de ties membroj.

== 9-a de majo ==
* Ĉe la marbordo de la insulo [[Sumatro]] ([[Indonezio]]), ĉirkaŭ 220 km de la urbo [[Banda Aceh]] okazis la [[tertremo]] de magnitudo je 7,2 ĝis 7,4 laŭ la [[skalo de Richter]].
* En la urbo [[Kaspijsk]] okazis la du eksplodoj — en 7:00 kaj 8:00 (moskva horo). Sekve de tiu unua pereis sapeisto. Sekve la dua — nur [[kamikazo]] mem, eksplodiginta sin apud la militista formacio.

== 10-a de majo ==
* En la [[Filipinoj]] komenciĝis la tutlanda balotado.
* Kunlaborantoj de la polica misio de la [[Eŭropa Unio]] ([[EULEX]]) eltrovis apud la urbo [[Raŝka]] ([[Serbio]]), ĉe la limo kun [[Kosovo]], amastombejon de [[albanoj]], mortigitaj en [[1998]]-[[1999]]. Onidire temas pri ĉirkaŭ 250 homoj.

== 11-a de majo ==
* La [[Rusio|rusia]] [[prezidanto de Rusio|prezidanto]] [[Dmitrij Medvedev]] dum la oficiala vizito en [[Sirio]]n renkontiĝis kun [[Ĥaled Maŝal]], la ĉefo de la politika buroo de [[Hamas]]. Interalie li alvokis al plej eble baldaŭa liberigo de la [[Israelo|israela]] [[kaporalo]] [[Gilad Ŝalit]].

== 12-a de majo ==
* Dum la alteriĝo en la internacia flughaveno de [[Tripolo (Libio)|Tripolo]] ([[Libio]]) kraŝis la aviadilo [[Airbus A330]] de la [[Flugo Afriqyah Airways 771]], ĉe la ferdeko, sur kiu troviĝis 93 pasaĝeroj kaj 11 skipanoj. Oni sciigas, ke postvivis nur 8-jara [[Nederlando|nederlanda]] knabo. La aviadilo alflugis el [[Johanesburgo]] ([[Sud-Afriko]]).
* En la provinco [[Ŝenŝjio]] ([[Ĉinio]]) viro murdis per tranĉilo 7 infanojn kaj unu guverniston de [[infanĝardeno]], kaj tuj memmortigis. Tio estis la kvina simila atako en la lando dum du lastaj monatoj.
* [[Nord-Koreio]] deklaris, ke ties sciencistoj ekhavis teknologion de la [[nuklea kunfandiĝo]].
* La rusia prezidanto [[Dmitrij Medvedev]] kaj la [[Turkio|turka]] ĉefministro [[Recep Tayyip Erdoğan]] subskribis kelkajn interkonsentojn, inkluzive de tiu pri abrogacio de [[vizo]]j kaj pri konstruado de [[atomcentralo]] en Turkio fare de rusiaj firmaoj.

== 13-a de majo ==
* La [[anglalingva Vikipedio]] ŝanĝis sian [[interfaco]]n kaj dum baldaŭaj semajnoj ĝin sekvos alilingvaj [[Vikipedio]]j.
* [[Usono]] anoncis ĉesigon de la funkciado de sia ambasadorejo en [[Tajlando]] pro daŭrantaj interpuŝiĝoj inter opozicio kaj registaraj fortoj. Dum tumultoj en [[aprilo 2010|aprilo]] jam pereis 29 homoj.
* En [[Sergokala distrikto]] de [[Dagestano]] ([[Rusio]]) teroristoj eksplodigis kaj pafis la aŭton, en kiu veturis komunikistoj de la loka [[televidstacio]]. Sekvintaj ilin milicanoj malfermis la respondan fajron. Almenaŭ 8 komunikistoj pereis.
* [[The Daily Mail]] sciigas, ke en [[Britio]] estis malpermesitaj banknotoj je 500 [[eŭro]]j, ĉar oni konsideras ilin nefidindaj. Ĝis 90 % el tiuj banknotoj estas falsaj, do ili ricevis la kromnomon [[Usama bin Laden|Bin Laden]]: ĉiuj scias, ke ili ekzistas, sed neniu scias, kiel ili vere aspektas.
* En la [[Rusio|rusia]] parto de [[Interreto]] estis lanĉita la unua [[Cirila alfabeto|cirila]] domajno '''.рф'''. La unuaj retpaĝoj, registritaj en ĝi, estis ''президент.рф'' ({{eo}} ''prezidanto.rf'') kaj ''правительство.рф'' ({{eo}} ''registaro.rf'').

== 15-a de majo ==
* En scienc-esplorada centro [[Instituto Butantan]] ([[San-Paŭlo]], [[Brazilo]]) forbrulis la plej granda en la mondo kolekto de [[serpento]]j, [[araneo]]j kaj [[skorpio]]j. Entute pereis specimenoj de ĉirkaŭ 80 mil da specioj.

== 16-a de majo ==
* La venkantino de la beleckonkurso [[Miss USA|Miss USA 2010]] iĝis 24-jara [[Rima Fakih]], naskiĝinta en [[Libano]]. Ŝi estas la unua [[araboj|arabdevena]] usonanino, gajnanta ĉi tiun titolon.
* Forpasis pro [[stomaka kancero]] [[Ronnie James Dio]], la eksa kantisto de la muzikgrupoj [[Black Sabbath]], [[Rainbow]], [[Elf]] kaj gvidanto de propra projekto, nomita laŭ sia nomo. Li havis 67 jarojn.

== 17-a de majo ==
* Forpasis [[Yvonne Loriod]], la fama [[Francio|franca]] pianistino.
* Je nokto al la 17-an de majo en la urbo [[Worms]] ([[Germanio]]) nekonataj bruligis [[sinagogo]]n, kiu baldaŭ estis estingita. Poste bruligantoj anonime deklaris, ke tio estis la venĝo al [[Israelo]] pro ĝia persekutado de [[Palestino|palestinanoj]].
* En la [[Barato|barata]] ŝtato [[Ĉhatisgaro]] rezulte de la eksplodo, okazigita de lokaj [[Maoismo|maoistoj]] , pereis almenaŭ 40 pasaĝeroj de [[aŭtobuso]], inter kiuj estis 20 militistoj kaj 20 civiluloj.
* En montaro apud [[Kabulo]] ([[Afganio]]) kraŝis la aviadilo [[An-24]], sur ferdeko de kiu troviĝis 38 pasaĝeroj kaj 5 skipanoj.
* En [[Moskvo]] estis solene inaŭgurita la ambasadorejo de [[Abĥazio]]. Tion ĉeestis reprezentantoj de [[Rusio]], Abĥazio, [[Sud-Osetio]], [[Sirio]] kaj [[Nikaragvo]].

== 18-a de majo ==
* En [[Kabulo]] [[kamikazo]] eksplodigis sin antaŭ la [[Afganio|afgana]] parlamento. Rezulte de tio pereis pli ol 20 civiluloj kaj estis vunditaj [[Usono|usonaj]] militistoj. Pri sia respondeco je tiu terora ago deklaris [[Talibano]].

== 19-a de majo ==
* Trupoj de la [[Tajlando|tajlandaj]] armeo kaj polico ekŝturmis la [[Politika protestado en Tajlando en 2010|tendaron de la opoziciuloj]] en [[Bangkoko]]. Pereis almenaŭ kvin homoj, inkluzive de [[Italio|itala]] ĵurnalisto (entute 70 personoj). La gvidantoj de la opozicio kapitulacis. Responde al tio subtenantoj de la opozicio bruligis televidstacion. La registaro starigis en 23 el 76 provincoj de la lando [[elirblokado]]n.
* [[Somalio]] agnoskis la [[sendependeco]]n de [[Kosovo]].

== 20-a de majo ==
* Rezulte de interetnaj interpuŝiĝoj en la urbo [[Karaĉio]] ([[Pakistano]]) pereis 17 homoj.
* Responde al planotaj ŝanĝoj en la asekura [[emerita sistemo]] [[Grekio|grekaj]] [[sindikato]]j komencis la [[Ĝenerala striko|ĝeneralan strikon]].
* La [[Armenio|armena]] registaro aprobis la novan nomon por [[armena brando]], kiu antaŭe estis distribuata sub la nomo "armena [[konjako]]", kio kaŭzis juĝajn protestojn de [[Francio]]. De nun ĝi nomiĝos ''"arbun"''. Ĉi tiu vorto estis derivata de la armena verbo "harbel" ({{eo}} ''ebriiĝi'').
* La internacia komisiono, kiun partoprenis fakuloj el [[Usono]], [[Britio]], [[Svedio]] kaj [[Aŭstralio]], konkludis, ke la [[Sud-Koreio|sudkoreia]] [[korveto]] "[[Ĉĥonan (korveto)|Ĉĥonan]]" estis subakvigita per [[torpedo]], lanĉita de [[Nord-Koreio|nordkoreia]] [[submarŝipo]]. Tio okazis la {{daton|26|marto}} 2010.

== 21-a de majo ==
* En [[Berlino]] ĉe la ''Bernauer Straße'' estis malfermita la unua parto de la memorejo "[[Berlina muro]]". Ĝia konstruado estos finita ĝis [[2012]].

== 22-a de majo ==
* Sub [[altaro]] de la katedralo de [[Frombork]] (Pollando) estis reentombigitaj la restaĵoj de [[Nikolao Koperniko]], elfositaj tie en [[2005]].
* En la [[Anglikanismo|anglikanisma]] preĝejo de Ĉiuj Sanktuloj en [[Italio]] estis ordinita [[Maria Vittoria Longhitano]], la unua en la lando virino-sacerdoto. Ŝi estas edzino kaj havas 35 jarojn.
* Per telefona [[aŭkcio]] estis vendita la plej multekosta [[poŝtmarko]] de la mondo — tiu [[Svedio|sveda]] [[Flava treskilingo]]. Aĉetinto pagis almenaŭ 2,3 milionojn da [[usonaj dolaroj]].
* En la [[flughaveno]] de la [[Barato|barata]] urbo [[Mangaloro]] kraŝis la aviadilo [[Boeing 737-800]] ĉe la ferdeko de kiu estis 160 pasaĝeroj kaj 6 skipanoj. Postvivis inter 3 kaj 7 homoj.

== 23-a de majo ==
* Forpasis pro [[koratako]] [[Miĥail Ŝatrov]], la fama [[Sovetio|soveta]], [[Rusio|rusia]] [[dramisto]]. Li havis 78 jarojn.
* Okazis la parlamenta balotado en [[Montara Karabaĥo]].

== 24-a de majo ==
* En [[Madrido]] forpasis [[Leonida Georgijevna Bagration-Muĥranskaja]], la patrino de [[Marija Vladimirovna Romanova]], kiu pretendas esti la estro de la Dinastio de [[Romanovidoj]]. Ŝi havis 95 jarojn.

== 25-a de majo ==
* La porturista [[buso]], veturinta el [[Alanya]] al [[Pamukkale]] ([[Turkio]]) falis de sur 15-metra alteco en la riveron Aksa. El 41 homoj pereis 15, inkluzive de 13 [[Rusio|rusianoj]] kaj 2 turkoj; 26 estis vunditaj.

== 26-a de majo ==
* Ĉirkaŭ 18:45 (loka horo) en la [[Rusio|rusia]] urbo [[Stavropol]] apud la ''Domo de kulturo kaj sporto'' okazis la eksplodo forta je 400 gramoj je [[TNT-ekvivalento]]. Pereis 6 kaj estis vunditaj almenaŭ 43 homoj, el kiuj 16 — tre grave.
* La parlamento de [[Aŭtonoma Respubliko Krimeo]] donis al la [[rusa lingvo]] la statuson de "regiona lingvo".

== 27-a de majo ==
* [[Rusio]] kaj [[Finnlando]] subskribis la intertrakton pri prilongigo de la luado de la [[Saimaa-kanalo]] por pliaj 50 jaroj. En la rusia teritorio troviĝas 34 km de tiu konstruaĵo, el kiuj 19 km estas luataj de Finnlando. La limdato de la antaŭa intertrakto finiĝos en [[2013]].

== 28-a de majo ==
* Teroristoj kaptis du [[moskeo]]jn en la [[Pakistano|pakistana]] urbo [[Lahore]] kaj ostaĝigis ĉirkaŭ 1,5 mil da ties paroĥanoj. Rezulte de ŝturmo fare de polico ambaŭ domoj estis liberigitaj, pereis ĉirkaŭ 70 homoj. Pri sia respondeco deklaris la pakistana ĉelo de [[Talibano]].
* Ĉirkaŭ je la 2-a horo en [[Okcident-Bengalo]] ([[Barato]]) interpuŝiĝis du trajnoj, sekve de kio pereis almenaŭ 146 kaj estis vunditaj pli ol 200 homoj. Savistoj atingis la lokon de la akcidento nur je la 5-a horo. Verŝajne temas pri terora ago de lokaj [[Maoismo|maoistoj]].

== 29-a de majo ==
* En [[Oslo]] ([[Norvegio]]) okazis la finkoncerto de la [[Eŭrovido-Kantokonkurso 2010]]. La unuan lokon okupis la germana kantistino [[Lena Meyer-Landrut]].
* En [[Ĉeĥio]] finiĝis [[Parlamenta baloto en Ĉeĥio 2010|parlamenta baloto]].
* [[Kino]]: Forpasis [[Usono|usona]] aktoro kaj reĝisoro [[Dennis Hopper]].

== 30-a de majo ==
* En la sudo de [[Barato]] pasaĝera [[buso]] nokte trafis la [[Polico|polican]] blokposton, renversiĝis kaj ekbrulis. Pereis almenaŭ 30 kaj vundiĝis 28 homoj.

== 31-a de majo ==
* Forpasis [[Louise Bourgeois]], la fama [[Usono|usona]] skulptisto, pentristo kaj grafikisto. Ŝi havis 98 jarojn.
* Oni sciigas, ke viktimoj de la tropika [[ŝtormo]] "Agato" en [[Centra Ameriko]] jam iĝis pli ol 130 homoj.
* [[Atmane Touati]], kiu estis konsiderata la estro de [[Al-Kaida]] en [[Norda Afriko]], fordonis sin al la potencoj de [[Alĝerio]]. Laŭ sciigoj, li faris tion post la peto de sia edzino.
* La [[prezidanto de Germanio]] [[Horst Köhler]] anoncis sian eksiĝon.
* En municipa balotado en [[Rejkjaviko]] venkis la ''"Plej bona partio"'', fondita de la ŝercisto [[Jon Gnarr]]. Danke al tio li iĝis la urbestro de la [[Islando|islanda]] ĉefurbo.
* Je la nokto al tiu tago la [[Israelo|israela]] [[Israela mararmeo|mararmeo]] [[Atako kontraŭ gaza floto|atakis]] la ''"Ŝiparon de libereco"'', per kiu en ses ŝipoj navigis [[Eŭropo|eŭropaj]] rajtdefendantoj al la [[Gaza Sektoro]] por liveri [[Humanitara helpo|humanitaran helpon]] por ties loĝantaro. Rezulte de la atako, laŭ sciigo de [[Al-Ĝazira]], pereis almenaŭ 16 kaj estis vunditaj 30 homoj. Israelo deklaris, ke pereis 9 kaj vundiĝis inter 20 kaj 30 homoj kaj 7 soldatoj, el kiuj 2 — grave.

{{2010-aj jaroj}}
{{Projektoj}}

[[Kategorio:Monatoj de 2010| 05]]