Vidi fonton por Ministraro unua de François Fillon

{{Informkesto registaro}}La '''ministraro unua de [[François Fillon]]''' estis:
* la 33-a ministraro de la [[Kvina Franca Respubliko]]
* la 1-a ministraro de prezidento [[Nicolas Sarkozy]]

La [[16-an de majo]] [[2007]] [[Nicolas Sarkozy]] oficiale prezidentiĝis. La unua ministraro de [[ĉefministro]] [[François Fillon]] estis la unua ministraro sub la [[Prezidento de la Respubliko (Francio)|respublika prezidento]] [[Nicolas Sarkozy]]. Ĝi estiĝis la [[18-an de majo]] [[2007]] matene per komunikaĵo de la respublika prezidentejo.

Laŭ respublika tradicio, tuj post la balotoj pri la Nacia Asembleo [[ĉefministro]] [[François Fillon]] anoncis al la prezidento la eksiĝon de sia ministraro. La prezidento tiam taskis lin restarigi [[Ministraro dua de François Fillon|duan ministraron]].

== Konsisto laŭ la oficiala ordo  ==

La ministraro konsistas el 15 ministroj (inkl. unu ŝtatministron), kvar ŝtatsekretarioj kaj unu alta komisaro.

=== Ŝtatministro ===

{|class="wikitable"
|-
!Funkcio!!Homo
|-
| Ŝtatministro, ministro pri ekologio, daŭrigeblaj progresado kaj instalado || [[Alain Juppé]] ([[Union pour un mouvement populaire|UMP]])
|}

=== Ministroj ===

{|class="wikitable"
|-
!Funkcio!!Homo
|-
| Ministro pri ekonomio, financo kaj dungado || [[Jean-Louis Borloo]] ([[Union pour un mouvement populaire|UMP]]-[[Parti radical valoisien|PR]])
|-
| Ministrino pri interno, transmaraj teritorioj kaj lokaj teritorioj || [[Michèle Alliot-Marie]] ([[Union pour un mouvement populaire|UMP]])
|-
| Ministro pri eksterlandaj kaj eŭropaj aferoj || [[Bernard Kouchner]] (eks-[[Socialista Partio (Francio)|PS]])
|-
| Ministro pri enmigrado, integrigo, nacia identeco kaj kunprogresigo || [[Brice Hortefeŭ]] ([[Union pour un mouvement populaire|UMP]])
|-
| Ministrino pri justico || [[Rachida Dati]] ([[Union pour un mouvement populaire|UMP]])
|-
| Ministro pri laboro, socialaj rilatoj kaj solidareco || [[Xavier Bertrand]] ([[Union pour un mouvement populaire|UMP]])
|-
| Ministro pri nacia edukado || [[Xavier Darcos]] ([[Union pour un mouvement populaire|UMP]])
|-
| Ministrino pri supera instruado kaj esplorado || [[Valérie Pécresse]] ([[Union pour un mouvement populaire|UMP]])
|-
| Ministro pri defendo || [[Hervé Morin]] ([[Nouveau Centre|NC]])
|-
| Ministrino pri sano, junularo kaj sportoj || [[Roselyne Bachelot-Narquin]] ([[Union pour un mouvement populaire|UMP]])
|-
| Ministrino pri loĝado kaj urbo || [[Christine Boutin]] ([[Union pour un mouvement populaire|UMP]])
|-
| Ministro pri agrokulturo kaj fiŝkapto || [[Christine Lagarde]] (proksima al [[Union pour un mouvement populaire|UMP]])
|-
| Ministrino pri kulturo kaj komuniko, parolistino de la ministraro || [[Christine Albanel]] ( proksima al [[Union pour un mouvement populaire|UMP]])
|-
| Ministro pri buĝeto, publikaj kontoj kaj publika oficistaro || [[Éric Woerth]] ([[Union pour un mouvement populaire|UMP]])
|}

=== Ŝtatsekretarioj ===

* Ŝtatsekretario ĉe la ĉefministro, pri rilatoj kun la parlamento: [[Roger Karoutchi]] ([[Union pour un mouvement populaire|UMP]])
* Ŝtatsekretario ĉe la ministro pri eksterlandaj kaj eŭropaj aferoj, pri eŭropaj aferoj: [[Jean-Pierre Jouyet]]  (eks-[[Socialista Partio (Francio)|PS]])
* Ŝtatsekretario ĉe la ĉefministro, pri [[anticipo]] kaj takso de publikaj politikoj: [[Éric Besson]] (eks-[[Socialista Partio (Francio)|PS]])
* Ŝtatsekretario ĉe la ŝtatministro, ministro pri ekologio, daŭrigeblaj progresado kaj instalado, pri transporto: [[Dominique Bussereau]] ([[Union pour un mouvement populaire|UMP]])

=== Alta komisaro ===
* Alta komisaro ĉe la ĉefministro, pri aktivaj solidarecoj kontraŭ malriĉeco: [[Martin Hirsch]]

== Komentoj pri la konsisto ==

=== Malfermo al la centro kaj la maldekstro ===

Dum sia kampanjo [[Nicolas Sarkozy]] sciigis sian volon starigi sian ministraron kun malfermiteco al aliaj partioj, inkl. de la centraj aŭ maldekstraj. La ministraro enkalkulas unu ministron ([[Bernard Kouchner]]), du ŝtatsekretariojn ([[Éric Besson]] kaj [[Jean-Pierre Jouyet]]) kaj unu altan komisaron ([[Martin Hirsch]]) el la maldekstro aŭ el la maldekstro-simpatiantoj, kaj unu ministron ([[Hervé Morin]]) el la centro.

Tamen triono de tiu ministraro estas membroj de la antaŭa [[ministraro de Dominique de Villepin]], kaj du trionoj estas membroj de la antaŭaj tri ministraroj de la dua mandatperiodo de eksprezidento [[Jacques Chirac]] ([[2002]]-[[2007]]).

=== Nombra egaleco inter viroj kaj virinoj ===

La ministraro entenas sep virinojn el inter 15 ministroj. La kvar ŝtatsekretarioj kaj la alta komisaro estas viroj. La virina proporcio en la ministraro estas je 37&nbsp;%.

=== Profesiaj devenoj ===

Inter la ministraranoj estas nur kvar diplomitoj de la [[Nacia Altlernejo pri Administracio (Francio)|Nacia Altlernejo pri Administracio]] (''École nationale de l'administration'', ENA), alinomitaj [[enarkoj]].

== Reagoj ==

La kreo de ministrejo pri enmigrado kaj nacia identeco estis tre kritikata dum kaj post la balotkampanjo. La kunigo de la vortoj ''enmigrado'' kaj ''nacia identeco'' estis kritikata lande kaj internacie.

Diversaj reagoj okazis pri la nomumo de opoziciuloj en tiu ministraro. Ekzemple [[François Hollande]], ĉefsekretario de la [[Socialista Partio (Francio)|Socialia Partio]] asertis, ke [[Bernard Kouchner]] estos metita en proceduron por eksmembrigo de la partio.

== Kronologio ==

Ĵaŭdon la [[17-an de majo]] [[2007]] oni anoncis la decidon de la novelektita respublika prezidento [[Nicolas Sarkozy]] nomumi [[François Fillon]] kiel ĉefministron. Samtage okazis la renkonto inter la eksa ĉefministro [[Dominique de Villepin]] kaj la nova ĉefministro [[François Fillon]].

La [[18-an de majo]] [[2007]], post propono de la ĉefminitro, la respublika prezidento fiksis la agosferojn de la ministrejoj kaj nomumis la ministrojn.

La [[23-an de majo]] [[2007]] la ĉefministro partoprenis la ĉefan mitingon de [[Union pour un mouvement populaire|UMP]] en [[Marsejlo]]. Li rediris sian konsideron pri la universala balotado, kaj anoncis, ke ĉiuj liaj ministroj estos kandidatoj al deputiteco. Li aldiras: ''"Kiam iu malvenkas ''[en baloto]'', tio signifas, ke tiun ne subtenas la popolo, kaj ke tiu ne povas resti en la ministraro. ''[...]'' Mia rolo estos gvidanto de la majoritato kaj de la ministrara politika projekto."''

La [[18-an de junio]] [[2007]], post la dua balotvico pri deputiteco kaj konforme kun konstanta kutimo, [[François Fillon]] donis la ministraran eksiĝon al la respublika prezidento, kiu tuj taskis lin formi [[Ministraro dua de François Fillon|novan ministraron]]. La partio [[Union pour un mouvement populaire|UMP]] konservas absolutan plimulton de la seĝoj en la Nacia Asembleo. Pro sia malvenko en la deputita baloto ŝtatministro [[Alain Juppé]] eksiĝis de sia ministreco.

== Vidu ankaŭ ==

* [[Ministraroj de Francio]]
* Antaŭa ministraro: [[ministraro de Dominique de Villepin]]
* Posta ministraro: [[ministraro dua de François Fillon]]
{{Ligiltabelo Francaj ministroj}}
{{Ligiltabelo Ĉefministroj en la kvina Franca Respubliko}}
{{ligiltabelo Registaroj Fillon}}

{{portalo|jaroj 2010}}

[[Kategorio:Ministraroj de Francio|Fillon 1-a]]
[[Kategorio:Registaroj de la Kvina Respubliko (Francio)|Fillon 1-a]]
[[Kategorio:Prezidado de Nicolas Sarkozy|Fillon 1-a]]
[[Kategorio:Registaroj Fillon|Fillon 1-a]]
[[Kategorio:2007 en Francio]]