Forsyth-Edwards-Skribsistemo

La Forsyth-Edwards-Notacio (FEN) estas standarda notacio por priskribi ŝakan pozicion. FEN celas provizi ĉiujn informojn por rekomenci ludon de specifa pozicio.

David Forsyth kreis la notacion en la 19a jarcento. Steven Edwards poste plivastigis ĝin por subteni la komputilan uzadon. FEN estas parto de la notacio PGN por tute difini la komencan pozicion, kiam ĝi estas ekzemple malsama ol la standarda pozicio.

FEN precizigas la pozicion en nur unu teksta lineo. Ĝi uzas nur ASCII-ajn literojn. Dosiero, kiu enhavas FEN-ajn registrojn, devus havi sufiskon ".fen".

FEN-registro enhavas 6 kolumnojn:

• Pecaj pozicioj. La tabulo estas priskribita de maldekstre

al dekstre, komence de la supera parto al la suba de la tabulo.

• Aktiva koloro (aŭ vico).
• Arok-ebleco.
• Pasad-ebleco.
• Nombro de duonaj movoj sen kapto aŭ sen peon-movo (pro la kvindekmova regulo).
• Nombro de movoj entute ekde la komenco de la ludo.

Ekzemploj

Jen FEN por la starta pozicio:

rnbqkbnr/pppppppp/8/8/8/8/PPPPPPPP/RNBQKBNR w KQkq - 0 1

Jen FEN post la unua movo 1. e4:

rnbqkbnr/pppppppp/8/8/4P3/8/PPPP1PPP/RNBQKBNR b KQkq e3 0 1