Vidi fonton por Supervivo Internacia

{{Informkesto organizaĵo}}
[[Dosiero:Survival International.jpg|eta|la komandejo en Londono]]

'''Supervivo Internacia''' ({{lang-en|Survival International}}) estas mondskale engaĝiĝanta [[ne-registara organizaĵo]] kiu subtenas [[indiĝenaj popoloj|indiĝenajn popolojn]] kaj kunlaboras kun [[tribo|tribaj]] komunumoj kaj samideanaroj protekti la koncernitajn terojn kaj garantii la observadon de [[homaj rajtoj]].

Defendante la homajn rajtojn la menciita societo ricevis i.a. la renoman [[premio de ĝusta vivmaniero|Premion de ĝusta vivmaniero]] (en 1989).<ref>[https://rightlivelihood.org/the-change-makers/find-a-laureate/survival-international/ klarigo de la kialoj por premialjuĝo]</ref>

== Historio kaj sidejoj ==
La klubo fonditis en [[Londono]] en [[1969]]. Impulso venis de artikolo de [[Norman Lewis]] en la brita gazeto [[The Sunday Times]] pri masakroj, terkonfiskoj kaj eĉ [[genocido]] de indiĝenaj grupoj en la brazila [[Amazonio]].

Hodiaŭ oni asertas havi subtenantojn en pli ol 100 landoj kaj pritrakti ĉirkaŭ 90 kazojn en 35 malsamaj ŝtatoj.

La internacia ĉefsidejo estas en [[Londono]]. Estas aliaj agentejoj en [[Berlino]], [[Madrido]], [[Milano]], [[Parizo]] kaj [[San Francisko]]. La oficejo germana troviĝas en [[Prenzlauer Berg]] en la ''Domo de demokratio kaj homaj rajtoj''. La [[ĉefa afergvida oficisto]] estas la brito [[Stephen Corry]].

== Strategio kaj sukcesoj ==
Nenia [[evoluhelpo]] en la klasika signifo estas provizita, sed indiĝenaj popoloj estas subtenataj per edukado, lobiado kaj kampanjoj en la batalo por siaj laŭleĝaj rajtoj pri propra tero kaj memdeterminita estonteco. La organizaĵo ankaŭ ofertas al indiĝenaj popoloj platformon sur kiu ili povas porti siajn zorgojn rekte kaj efikege al la ekstera mondo. Sekve oni ne de si ekaktivas sed kuraĝigas la tuŝitojn mem fari la unuan paŝon de diskonigo de la minacoj.<ref>Tio memkompreneble ne estas la kazo ĉe [[nekontaktitaj popoloj]]. Tiam la S.I.-burooj prenas sur si la iniciaton.</ref> Helpatas ĝenerale pligrandigi scion pri la situacio de indiĝenaj popoloj en la tuta mondo.

La organizaĵo sukcese persvadis plurajn registarojn rekoni la tero-rajtojn de tribaj popoloj, ekz. de la [[Janomamoj]] en [[Brazilo]], la [[Nukak]] en [[Kolombio]] kaj la [[Ĝarvoj]] en [[Hindio]]. La aktivistoj konvinkis firmaojn retiriĝi el detruantaj projektoj en endanĝerigitaj regionoj, kiel ekzemple la ne plua laso de arbodehakado sur grundoj de la [[Udegoj]] en [[Siberio]].

== Apogantaj elstaruloj ==
Inter la konataj subentantoj de S.I. menciindas [[Gillian Anderson]], [[Colin Firth]], [[Damien Hirst]], [[Richard Gere]], [[Sebastião Salgado]], [[Vandana Shiva]] kaj [[Davi Kopenawa Yanomami]].<ref>[https://www.survivalinternational.de/ueberuns "Über uns"]</ref> La rolon de ''ambasadoroj'' plenumis jam [[Quentin Blake]], [[Julie Christie]], [[Kurt Jackson]], [[Mark Rylance]]<ref>[https://vimeo.com/297924145 reklamfilmeto de Rylance kun la peto aliĝi]</ref> kaj [[Pippa Small]].

== Eksteraj ligiloj ==
{{Projektoj}}
* [https://www.survivalinternational.org/ hejmpaĝo]

== Notoj ==
{{Referencoj}}

[[Kategorio:Aperis en 1969]]
[[Kategorio:Internaciaj neregistaraj organizaĵoj]]
[[Kategorio:Internaciaj homrajtprotektaj organizaĵoj]]
{{Kursiva titolo}}