Vidi fonton por UK 2021

{{Informkesto renkontiĝo}}
La '''106-a Universala Kongreso de [[Esperanto]]''' ([[Universala Kongreso de Esperanto|UK]]) okazis [[Virtuala Kongreso de Esperanto|virtuale]] inter la 17-a ĝis la 24-a de julio [[2021]]. Ĝi estis planita por la samaj datoj en [[Belfasto]] ([[Nord-Irlando]])<ref>https://uea.org/gk/806a1</ref>, sed en Aprilo 2021 ĝi estis nuligita kiel ĉeesta renkontiĝo pro la [[Kronvirusa pandemio de 2019-2021|epidemio pro Covid-19]], kaj anstataŭe estas planata kiel [[2-a Virtuala Kongreso de Esperanto]].<ref>https://uea.org/gk/947</ref>

La ĉeftemo de la kongreso estis: “Paco kaj konfido: universalaj valoroj”.

En la momento de la inaŭguro, la 17an de julio jam aliĝis 1740 personoj el 95 landoj (aŭ teritorioj).

== Organizado==
La 2-a Virtuala Kongreso de Esperanto (VK) estis realigo de [[Universala Esperanto-Asocio]], en oficialaj rilatoj kun UN kaj UNESKO. Gvidas la organizteamon la Vicprezidanto de UEA, [[Fernando Maia Jr.]], la Estrarano pri Kulturo kaj Kongresoj, [[Orlando Raola]], la Estrarano pri Faka kaj Scienca Agado, [[Amri Wandel]], kaj la Ĝenerala Sekretario de UEA, [[Aleks Kadar]]. Kunrealigis kaj teknike prizorgis la teamo de la neprofitocela esperantista organizo [[E@I]]. Kunrealigis kaj kunprizorgis la muzikan programon [[Floréal Martorell]] kaj la teamo de la eldonejo [[Vinilkosmo]]. Kunrealigis kaj kunprizorgis la junularan programon [[TEJO]], pere de MOJOSA (Movado Junulara Skota).<ref>[https://vk.esperanto.net/organizantoj/ Retejo de la renkonto]</ref>
==Programo==
La programo enhavis diversajn erojn,<ref>https://revuoesperanto.org/programo_vk_2021</ref> formalajn, klerigajn kaj distrajn. Oni rezervis spacojn por neformalaj renkontoj inter kongresanoj.
 
Kiel parto de la programo estis organizita Virtuala Movada Foiro, kun prezentado de asocioj kaj iniciatoj. Ankaŭ estis kunvokita la 74-a sesio de [[Internacia Kongresa Universitato]], kies rektoro estas [[Michele Gazzola]].

Oni ankaŭ rezervis programerojn pri Belfasto kaj Nord-Irlando, antaŭvidita sidejo de la ĉeesta Kongreso.

==Kongresa kuriero==
Kiel en ĉeestaj kongresoj, la 2-a Virtuala Kongreso ankaŭ ĝuis sian Kongresan Kurieron, titolitan "La Kolombo de Paco". La kuriero dissendiĝis ĉiutage dum la 2-a VK, de la 17-a ĝis la 24-a de julio, sed ankaŭ unufoje semajne dum la periodo antaŭ la 2-a VK. La nomo de la kuriero ligiĝas al la kongresa temo de la 2-a VK, kiu siavice ligiĝas al Internacia Jaro de Paco kaj Konfido, kiel deklaris UN por la jaro 2021. Ĝi ankaŭ omaĝas la 75-jariĝon de [[Unesko]], inter kiuj agadkampoj estas la kulturo de paco.

== Referencoj ==
{{Referencoj}}

== Eksteraj ligiloj ==
* {{Oficiala retejo}}

{{UK|2021}}

[[Kategorio:Esperanto-renkontiĝoj en 2021]]