Brunsvigo (lando)

La titolo havas ankaŭ aliajn signifojn, por vidi ilin bonvolu rigardi la apartigan paĝon: Brunsvigo (apartigilo)

1. Duklando Brunsvigo (1814-1918) 2. Libera Ŝtato Brunsvigo (1918-1945)
Origina nomo	1. Herzogtum Braunschweig 2. Freistaat Braunschweig
←  1814 – 1945  → flago blazono
Geografio La duklando en 1914
Ĉefurbo:	Brunsvigo
Areo:	3672,2 km²
Loĝantaro
Kvanto de loĝantoj:	494.339 (1910)
Nacia konsisto:	germanoj
Lingvoj:	germana
Ŝtat-strukturo
Ŝtat-strukturo:	1. monarĥio, 2. respubliko. Ekde 1871 membroŝtato de la Germana Regno
Patrina lando:	Germana Regno
Estiĝo:	1814 Viena Kongreso, rangaltiĝo al duklando
Pereo:	1945 kunigita kun la landoj Oldenburgio kaj Ŝaŭmburgo-Lipo kaj la prusa provinco Hanovro al nova federacia lando Malsupra Saksio
Antaŭaj ŝtatoj: Brunsvigo-Wolfenbüttel Postsekvaj ŝtatoj: Malsupra Saksio

La lando Brunsvigo, germane Braunschweig, estis germana ŝtato kun la samnoma ĉefurbo kiu ekzistis inter 1814 kaj 1945, unue kiel duklando Brunsvigo (ekde 1871 kiel parto de la Germana Regno), ekde la Novembra Revolucio 1918 kiel respubliko (Freistaat Braunschweig = "Libera Ŝtato Brunsvigo" = "Respubliko Brunsvigo") ene de la Vajmara Respubliko.

La duklando Brunsvigo estis posteulo de la iama princlando Brunsvigo-Wolfenbüttel, kaj estis najbara al la elektoprinclando Brunsvigo-Luneburgo, posta reĝlando Hanovro. Ambaŭ landoj, Brunsvigo-Wolfenbüttel kaj Brunsvigo-Luneburgo, en la 13-a jarcento devenis el la tiama komuna duklando Brunsvigo-Luneburgo. En 1945 la du landoj estis reunuigitaj en la nove fonditan federacian landon Malsupra Saksio.

Legu pli: Brunsvigo-Luneburgo