Cuelgamures
| Cuelgamures | |||
|---|---|---|---|
 | |||
| municipo en Hispanio | |||
| Administrado | |||
| Poŝtkodo | 49717 | ||
| Demografio | |||
| Loĝantaro | 79 (2023) [+] | ||
| Loĝdenso | 5 loĝ./km² | ||
| Geografio | |||
| Geografia situo | 41° 18′ N, 5° 39′ U (mapo)41.306777777778-5.6575416666667Koordinatoj: 41° 18′ N, 5° 39′ U (mapo) [+] | ||
| Alto | 809 m [+] | ||
| Areo | 14,67 km² (1 467 ha) [+] | ||
| |||
| |||
|
| |||
| Alia projekto | |||
 Vikimedia Komunejo Cuelgamures [+]
| |||
Cuelgamures [kŭelgaMUres] estas municipo de la provinco Zamoro, en la regiono Kastilio-Leono, Hispanio. Ĝi apartenas al komarko Tierra del Vino en la sudo de la provinco. Cuelgamures estas tradukebla etimologie al Vespertejo: vespertejoj kaj kolombejoj havis ekonomian intereson kiel kolektejo de sterko.
Ĝia municipa teritorio estas formata de unusola loĝloko, okupas totalan areon de 14,67 km² kaj laŭ la demografia informo de la municipa censo fare de la INE en 2021, ĝi havis 83 loĝantojn. Ĝi perdis ĉirkaŭ 300 loĝantojn el la komenco de la 20-a jarcento pro la migrado el ruraj zonoj al urboj. Ĝi distas 32 km de Zamoro, provinca ĉefurbo, kaj limas norde kun Santa Clara de Avedillo, sude kun El Maderal kaj El Cubo del Vino, oriente kun Fuentespreadas kaj okcidente kun Corrales del Vino.
Estas prahistoriaj kaj romiaj restaĵoj, sed la setlejo mem fondiĝis en la 12-a jarcento. En postaj jarcentoj suferis pro militoj kaj ĉefe dum la Hispana Milito de Sendependigo.
La tradiciaj agrikulturo (cerealoj, legomoj, vitoj) kaj brutobredado (bovoj kaj ŝafoj) lastatempe iom dekadencis, sed pluas. Lastatempe kultura kaj rura turismo plie ekgravis (preĝejo, vinkeloj ktp.).