Fraztemo
En lingvoscienco fraztemo, aŭ temo de frazo (aŭ simple temo) estas tio, pri kio oni parolas, t.e. la deira, donita komponanto (tio, kio estas konata aŭ evidenta).
Pragmatike en la tema-remaa dispozicio fraztemo aperas kontraste al remao, al la nova kaj interesa parto de komunikaĵo.
La termino venas de la greka θῆμα (antaŭmetaĵo); anglalingve oni ofte nomas tion topic. En la 19ª jc oni ofte nomis fraztemon logika subjekto (aŭ psiĥologia subjekto). Oni tamen ne konfuzu fraztemon kun subjekto: laŭsituacie frazmembro povas esti ajna frazmembro; ekz-e en la frazo «En la ĉambro estis Petro» la temo estas la loka adjekto «en la ĉambro».