La Gorecht (groninge: t Gerecht), kelkfoje skribita kiel Goorecht, estas de origino jurisdikcio (gericht) ĉirkaŭ la urbo Groningen. Ĝi grandparte konsistis el la areo de la antaŭaj municipoj: Groningen, Haren kaj Hoogezand-Sappemeer. En postaj tempoj ĝi ankaŭ nomiĝis la Gerecht van Selwerd, kvankam Selwerd mem ne estis parto de la Gorecht. La origina Groningen mem ankaŭ situis en la Gorecht, sed ĉiam havis propran pozicion, en pli longa daŭro ĝi fariĝis kiel urbo propra jurisdikcio.
