Mona Markolo
Koordinatoj: 18° 30′ N 68° 0′ U / 18.500 °N, 68.000 °U (mapo)
La Mona Markolo estas markolo kiu separas la insulojn Hispaniolo kaj Puertoriko. La Mona Markolo konektas la malfermajn akvojn de la Atlantika Oceano kun la Kariba Maro, kaj estas grava ŝipvojo inter la Atlantiko kaj la Panama Kanalo.
La markolo havas 130 km de larĝo inter la du ĉefaj insuloj kaj estas unu el plej malfacilaj markoloj en Karibio. Dangxeroj estas variaj tajdaj marfluoj kreitaj de la grandaj insuloj ambaŭflanke, kaj de la sablejoj kiuj foretendas multajn mejlojn el ambaŭ marbordoj.
La nomo Mona rilatas nek al mono (ĉu esperante ĉu angle, el money) nek al la hispana kun signifo simio, sed al indiĝena signifo "en la mezo".
Insuloj
Estas tri insuloj ene de la Mona Markolo:
Mona kuŝas ĉe la mezo de la Mona Markolo.
Kvin kilometroj nordokcidente de Mona estas multe pli malgranda Monito.
Kvindek kilometrojn nordoriente de Mona kaj multe pli proksime (21 km) al la Puertorika ĉeftero estas Deseĉeo.