Nitrita acido

Nitrita acido aŭ Nitroza acido (HNO₂) estas malstabila kemiaĵo, malforta acido; oni produktas ĝin nur en formo de malvarmaj, maldensaj akvaj solvaĵoj. Ĝi estas utila kemiaĵo: Oni transformas la aminojn per nitrita acido al diazoniaj kombinaĵoj, bazmaterialoj de azokolorigaĵoj.

Oni estigas ĝin per acidigo de ties iu salo – nitrito –, ĉar la saloj estas pli stabilaj kombinaĵoj. Dum malkombino estiĝas – krom akvo – nitrata acido (HNO₃) kaj nitrogena monoksido (NO): $\mathrm {3\ HNO_{2}\rightarrow HNO_{3}+2\ NO+H_{2}O}$ . Ĝi povas reagi kaj kiel oksidada kaj kiel redukta kombinaĵo: La nitrogena atomo povas akcepti kaj fordoni elektronojn (ekz. la nitrita acido oksidas la jod-jonon al elementa jodo, dum reduktas la bromon al bromjono).

Vidu ankaŭ