Regiono Ĥorezmo
La provinco Ĥorazmo aŭ regiono Ĥorazmo (uzbeke Xorazm viloyati) estas unu el la 12 provincoj de Uzbekio. Ĝia ĉefurbo estas Urgenĉo. La provinco Ĥorazmo etendiĝas sur 6300 km2 en la okcidento de Uzbekio. Ĝi estas ĉirkaŭata norde de Karakalpakstano, oriente de la provinco Buĥaro, sude kaj okcidente de Turkmenio. Ĝi situas en la historia regiono Ĥorazmo, la provinco havas en sia teritorio la historiajn urbojn Urgenĉo kaj Ĥiva.