Rangitoto

El Vikipedio, la libera enciklopedio
Saltu al: navigado, serĉo

Rangitoto (36°47′14″S 174°51′48″E  /  36.78722°S, 174.86333°O / -36.78722; 174.86333 (Rangitoto)) estas vulkana insulo apud la urbo de Aŭklando en Nov-Zelando. Ĝi altas 260 m. Ĝi havas simetrian konusformon kaj estas mejloŝtono en Aŭklando. Videblas ekde la urbo. Estas la plej juna el 48 vulkanoj ĉirkaŭ Aŭklando. La vulkano kreiĝis en la lastaj 1000 jaroj pro serio de eruptoj kaj fin-eruptis antaŭ nur 500 jaroj.

Rangitoto island from north head.jpg

La tuta nomo de la insulo de Rangitoto estas maorilingve Nga Rangi-i-totongia-a Tama-te-kapua (la tagoj de sanganta Tama-te-kapua). Tama-te-kapua estis la maoria kapitano de la pirogo de Arawa, kiu estis severe vundita sur la insulo.

La insulo viziteblas prame ekde la urbo Aŭklando. Unu tago sufiĉas por suriri kaj malsuriri la monton kaj ofertas mirindan panoramon super la haveno kaj urbo.