Retumejo
El Vikipedio
Retumejo estas ejo kie oni kontraŭ pago povas retumi sur komputilo. Ofte eblas ankaŭ trinki ion (kiel en ordinara kafejo) sed tio ne necesas. Ĉambro kun komputiloj kiuj estas ligitaj kun interreto jam povas esti retumejo.
Kiam al persono mankas komputilo aŭ rapida retkonekto, li aŭ ŝi povas viziti retumejon. Ankaŭ turistoj ofte uzas retumejojn, ekzemple por retpoŝte korespondi kun familio, aŭ por sendi ciferecajn fotojn.
