Vidi fonton por Alpoj

{{Informkesto reliefo|regiono-ISO=FR
| nomo = Alpoj
| dosiero = Grossglockner from SW.jpg
| priskribo1 = Großglockner
| priskribo2 = [[Großglockner]]
| maks-nomo = [[Mont Blanc]]
| maks-alteco = 4810
| areo = 200000
| longeco = 1200
| superigo = [[Alpa-himalaja sistemo]]
| subigo = [[Okcidentaj Alpoj]] <br /> [[Orientaj Alpoj]]
| najbaro = [[Centra Masivo]] <br /> [[Karpatoj]] <br /> [[Apenino]] <br /> [[Dinaraj montoj]]
| kontinento = [[Eŭropo]]
| ŝtato = {{Francio}} <br /> {{Germanio}} <br /> {{Svislando}} <br /> {{Liĥtenŝtejno}} <br /> {{Aŭstrio}} <br /> {{Italio}} <br /> {{Slovenio}}
| akvejo = [[Rodano]] <br /> [[Rejno]] <br /> [[Inn]] <br /> [[Danubo]] <br /> [[Pado]]
| latitudo=46
| longitudo=10
| zomo=5
}}
[[Dosiero:Alps.space.300pix.jpg|eta|240ra|Satelita bildo de la Alpoj.]]
[[Dosiero:Greifensee elfluejo de Glatt 628.jpg|eta|240ra|La Alpoĉeno vidita dum fentago de elfluejo de Glatt el Greifensee proksime de [[Zuriko]].]]
La '''Alpoj''' (el antaŭlatina radiko ''alb-'' aŭ ''alp-'' eble signifinta ''monto'') estas la plej granda [[montaro]] de meza kaj okcidenta [[Eŭropo]] laŭ vasteco kaj alteco. En Eŭropo nur la [[Kaŭkazo]] ĝin en alteco superas. Partoj apartenas al la ok landoj [[Aŭstrio]], [[Germanio]], [[Francio]] kun [[Monako]], [[Svislando]], [[Liĥtenŝtejno]], [[Italio]] kaj [[Slovenio]]; ili rolas kiel akva kaj klimata divido inter [[Mezeŭropo|Meza]] kaj [[Sudeŭropo|Suda Eŭropo]].

Norde de la [[Golfo de Ĝenovo]] ili najbaras al la [[Apenino]], okcidente preterpasas la [[Padebenaĵo|Pad-Ebenaĵon]], branĉiĝas ĉe la [[Lago Bourget]] en la [[Ĵuraso (montaro)|Francan kaj Svisan Ĵurason]], kaj finiĝas post 750&nbsp;km ventumilforme antaŭ la okcidentpanona montlando ĉe la [[Danubo]] apud [[Vieno]]. Nordoriente sekvas la [[Karpatoj]], en la sudoriento la [[Karsto]] kaj la [[Dinara Montaro]]. En la nordo, la Alpoj malaltiĝas malrapide al la germana antaŭalpa lando, en la sudo krute transiras al la [[Padebenaĵo]].

La tuta longeco de la Alpoj (de [[Ĝenovo]] ĝis Vieno) estas 1.200&nbsp;km, la larĝeco estas inter 150 kaj 200&nbsp;km, oriente ĝis 300&nbsp;km. La pintoj en la plej gravaj montarareoj leviĝas al altoj inter 3000 kaj 4300 m; la plej alta pinto estas la 4807 metrojn alta [[Blanka Monto]] (france ''Mont Blanc'') ĉe la landlimo inter Francio kaj Italio. La areo de la Alpoj enhavas ĉirkaŭ centon da montopintoj pli altaj ol 4,000&nbsp;m (13,123&nbsp;ft), konataj kiel "kvarmiluloj".

La altitudo kaj grando de la montaro tuŝas la [[klimato]]n en Eŭropo; ĉe montoj la niveloj de [[precipitaĵo]] ege varias kaj la klimataj kondiĉoj konsistas el distingaj zonoj. Naturaj bestoj kiaj [[kapro]]j loĝas en plej altaj montopintoj ĝis altaĵoj de ĉirkaŭ 3 400 m, kaj plantoj kiaj [[edelvejso]] kreskas en rokaj areoj en pli malaltaj lokoj same kiel ĉe pli altaj lokoj. Pruvo de homa loĝado en la Alpoj datiĝas reen ĝis la epoko [[Paleolitiko]]. [[Ötzi|Mumigita viro]], de antaŭ 5,000 jaroj, estis malkovrita en glaĉero ĉe la landlimo inter Aŭstrio kaj Italio en 1991. Ankaŭ ĉe la 6a jarcento a.K., la [[keltoj]] de [[La-Tène-kulturo]] estis setliĝintaj tie. [[Hanibalo]] fame trapasis la Alpojn per elefantaro, kaj la [[Antikva Romo|romianoj]] havis setlejojn en la regiono. En 1800 ankaŭ [[Napoleono Bonaparte|Napoleono]] trapasis unu el la montopasejoj kunportante armeon de 40,000. La 18a kaj 19a jarcentoj vidis alvenon de naturalistoj, verkistoj, kaj artistoj, partikulare [[Romantismo|romantikistoj]], sekve de la ora epoko por [[montogrimpado]] kiam montogrimpistoj ekascendis la montopintojn. Dum la [[Dua Mondmilito]], [[Adolf Hitler]] tenis [[Berghof|operacbazejon]] en la [[bavaraj Alpoj]] la tutan tempon de la milito.

La Alpa regiono havas fortan kulturan identecon. La tradicia kulturo de farmado, [[fromaĝo]]produktado, kaj lignumado ankoraŭ ekzistas en Alpaj vilaĝoj, kvankam la turisma industrio kreskis ege komence de la 20a jarcento kaj etendiĝis ege post Dua Mondmilito ĝis iĝi la dominanta enspezofonto ĉe la fino de la jarcento. La [[Vintraj Olimpikoj]] jam okazis en alpaj regionoj de Svisio, Francio, Italio, Aŭstrio kaj Germanio. Nune la regiono estas hejmo de 14 milionoj da homoj kaj ricevas 120 milionojn da ĉiujaraj vizitantoj.<ref name = "Chatré8">Chatré, Baptiste, et al. (2010), 8</ref>

== Estiĝo ==
[[Dosiero:Ekesto de la Alpoj - zdf - scivolemo.webm|eta|Video pri la estiĝo de la alpoj de la jutuba kanalo [[Scivolemo (projekto)|Scivolemo]].]]
La Alpoj estas Kovro- kaj [[Faldmontaro]] el la [[Terciaro]] (antaŭ 65-2 milionoj da jaroj). Ili iĝis [[alta montaro|altmontaro]] pro la leviĝo de la faldita montarbazo, kiu daŭras ankoraŭ hodiaŭ. Dikaj [[sedimento]]j sur la fundo de granda [[maro]] inter [[Eŭropo]] kaj [[Afriko]] (la Pra-[[Mediteraneo]], nomata [[Tetiso]]) de la [[paleozoiko]] ĝis la [[Terciaro]] leviĝis pro la premo de sudo sekve de la nordenmoviĝo de Pra-Afriko (vd. [[tektoniko]]), precipe en la Terciaro, kaj estis multoble puŝitaj kaj falditaj en grandaj tavoloj. Pro tio, Eŭropo plivastiĝis suden.

Konsistigas la [[montaro]]n en la Nord- kaj Sudalpoj la marsedimentoj, precipe [[kalko]]j kaj dolomitaĵoj ([[Nordaj Kalkalpoj|Nordaj]] kaj ([[Sudaj Kalkalpoj]]), sed ankaŭ [[graŭvako]] ([[Graŭvaka Zono]]); en la centraj Alpoj ankaŭ kristalaj ŝtonaĵoj de la profundeco ekzistas. Al la hodiaŭa formo estiĝis la Alpoj pro [[erozio]] per [[rivero]]j, sed plej grave per la glaĉeroj dum la [[glaciepoko]]j. La Alpoj apartenas al la tutmonda alpa [[montara sistemo]], krom la [[Atlaso]] en norda [[Afriko]], la [[Hindukuŝo]] kaj la [[Himalajo]] en [[Azio]] kaj la [[Kordiljeroj]] en [[Ameriko]].

== Geografio ==
=== Divido ===
[[Dosiero:Alps with borders.jpg|eta|La Alpoj etendas laŭ arko el Francio en la sudo kaj okcidento al Slovenio oriente, kaj el Monako en la sudo al Germanio en la nordo.]]
Plej ofte oni dividas Alpojn en du partojn nomatajn [[Orientaj Alpoj]] kaj [[Okcidentaj Alpoj]]; tiu divido estas ankaŭ oficialigita en [[2006]] fare de SOIUSA. Tamen tradicie en Italio kaj en Francio oni preferis dividon en tri partojn nomatajn Okcidentaj, Centraj kaj Orientaj Alpoj; tiu divido, kvankam neoficiala, estas ankoraŭ uzata.

La '''Orientaj Alpoj''' estas la orienta parto de la montaro Alpoj, t.e. la montaraj partoj oriente de la linio de la [[Konstanca lago]] laŭlonge de la [[Rejno]] trans [[Splugopasejo]] al la [[lago de Como]] (aŭ nur oriente de la [[Montpasejo Brenero|Brenero]] kiam oni dividas la Alpojn en 3 partojn). Kompare al la Okcidentaj Alpoj ili estas pli malaltaj kaj kun malpli da altaj pasejoj. La Orientaj Alpoj etendiĝas de Svisio kaj Liĥtenŝtejno trans Aŭstrio ĝis Hungarujo en la sudo ĝis Italujo kaj Slovenujo. Parto de la okcidentaj Alpoj apartenas ankaŭ al Germanujo. La [[Algoviaj Alpoj]] - germane ''Allgäuer Alpen'' - estas montaro kaj parto de la Alpoj, en ties nordorienta parto.

La '''Okcidentaj Alpoj''' entenas la ceteran montaron, aŭ - laŭ la divido en 3 partojn - nur la [[Blanka Monto|Blankan Monton]] kaj la ceteran montaron okcidente kaj sude de ĝi.

'''Centraj Alpoj''' havas malsaman signifon laŭ la du dividmetodoj. Kiam oni dividas la Alpojn en 3 partojn, ili estas la montoj inter la Okcidentaj kaj la Orientaj Alpoj. Alimaniere, ili celas la centra parto inter '''Nordaj''' kaj '''Sudaj Alpoj''' (atentu ke estas [[Sudaj Alpoj]] ankaŭ en [[Novzelando]]). Pli klare, oni uzas la nomon "[[Centraj Orientaj Alpoj]]" por la [[ĉefa alpa kresto]] kaj ties ĉirkaŭaĵo precipe en [[Aŭstrio]], kvankam parte ankaŭ en ĉelimaj regionoj de [[Svislando]], [[Liĥtenŝtejno]], [[Italio]] kaj [[Slovenio]]. En Aŭstrio oni ankaŭ uzas la nomon "Centraj Alpoj" pri la geografio de Aŭstrio, kie la aŭstria parto de la regiono konsideriĝas esti unu el sume sep pejzaĝaj regionoj.

La [[Juliaj Alpoj]] (slovene Julijske Alpe; itale Alpi Giulie, germane Julische Alpen) estas montaro de la [[sudaj Kalkalpoj]], kovranta partojn de la historia regiono Karniolo nun en Slovenio kaj de la itala regiono Friulo-Venecio Julia.

=== Montoĉenoj kaj elstaraj montoj ===
La [[Wetterstein]] estas montoĉeno en centra parto de la Alpoj, nomata la Nordaj Kalkŝtonaj Alpoj (germane ''Nördliche Kalkalpen''). Ĝi situas inter [[Garmisch-Partenkirchen]], [[Mittenwald]], [[Seefeld en Tirolo]] kaj [[Ehrwald]]; parte en [[Bavario]], [[Germanio]] kaj parte en [[Tirolo]], [[Aŭstrio]]. En la Wetterstein estas la plej alta montopinto en Germanio, nome la [[Zugspitze]]. La '''Karwendel''' [kaVENdl] estas la plej larĝa montoĉeno en centra parto de la Alpoj, nomata la ''Nordaj [[Kalkŝtono|Kalkŝtonaj]] Alpoj'' ([[germane]] ''Nördliche Kalkalpen''). Ĝi situas inter la riveroj [[Isar]] okcidente kaj norde, kaj [[Inn]] sude, kaj krome oriente limiĝas per la lago ''Achensee''. Parte la teritorio situas en [[Bavario]], [[Germanio]] kaj parte en [[Tirolo]], [[Aŭstrio]]. La plej alta pinto de la montoĉeno nomatas ''Birkkarspitze'' (2749 m).

[[Bavaraj Alpoj]] (germane ''Bayerische Alpen'') estas nur tiuj gamoj inter la riveroj [[Lech]] kaj [[Saalach]] (Altbayern). En ĉi tiu pli mallarĝa sento, la Allgäu Alpoj en [[Distriktaro Ŝvabio|Ŝvabio]], kiu nur estis parto de Bavario kaj la Berchtesgaden Alpoj en la oriento ne estas konsideritaj kiel la partoj de la bavaraj Alpoj.

{| class="wikitable" style="margin: 1em auto 1em auto;"
|+ La 22 Alpaj kvarmiluloj kun almenaŭ 500 metroj de [[Elstareco (geografio)|topografia elstareco]]<ref>{{citaĵo el la reto|url=http://www.bielefeldt.de/4000e.php?Sorts=height&Aufab=descending&Liste=UIAA|titolo=4000&nbsp;m Peaks of the Alps|eldoninto=Bielefeldt.de|dato=6a de Julio, 2010 |alirdato=9a de Aŭgusto, 2012}}</ref>
! align=left | Nomo
! align=left | Alto
! align=left | Montaro
! align=left | Nomo
! align=left | Alto
! align=left | Montaro
|-
| [[Blanka Monto]]
| 4810 m
| [[Grajanaj Alpoj]]
| [[Dent d'Hérens]]
| 4171 m
| [[Peninaj Alpoj]]
|-
| [[Monte Rosa]]
| 4634 m
| [[Peninaj Alpoj]]
| [[Jungfrau]]
| 4158 m
| [[Bernaj Alpoj]]
|-
| [[Dom (monto)|Dom]]
| 4545 m
| [[Peninaj Alpoj]]
| [[Aiguille Verte]]
| 4122 m
| [[Grajanaj Alpoj]]
|-
| [[Blanka Korno]]
| 4506 m
| [[Peninaj Alpoj]]
| [[Mönch]]
| 4107 m
| [[Bernaj Alpoj]]
|-
| [[Materhorno]]
| 4478 m
| [[Peninaj Alpoj]]
| [[Barre des Écrins]]
| 4102 m
| [[Dofinaj Alpoj]]
|-
| [[Dent Blanche]]
| 4357 m
| [[Peninaj Alpoj]]
| [[Schreckhorn]]
| 4078 m
| [[Bernaj Alpoj]]
|-
| [[Grand Combin]]
| 4314 m
| [[Peninaj Alpoj]]
| [[Ober Gabelhorn]]
| 4063 m
| [[Peninaj Alpoj]]
|-
| [[Finsteraarhorn]]
| 4273 m
| [[Bernaj Alpoj]]
| [[Gran Paradiso]]
| 4061 m
| [[Grajanaj Alpoj]]
|-
| [[Grandes Jorasses]]
| 4208 m
| [[Grajanaj Alpoj]]
| [[Piz Bernina]]
| 4049 m
| [[Bernina Montaro]]
|-
| [[Rimpfischhorn]]
| 4199 m
| [[Peninaj Alpoj]]
| [[Weissmies]]
| 4017 m
| [[Peninaj Alpoj]]
|-
| [[Aletschhorn]]
| 4193 m
| [[Bernaj Alpoj]]
| [[Lagginhorn]]
| 4010 m
| [[Peninaj Alpoj]]
|}

{{Ĉefartikolo|Listo de Alpaj kvarmiluloj}}
{{Larĝa bildo|Männlichen.jpg|850ra|align-cap=center|Vido el Männlichen de [[Eiger]], [[Mönch]] and [[Jungfrau]] (maldekstre al dekstro)}}

== Glaĉeroj de la Alpoj ==
{{Ĉefartikolo|Listo de la glaĉeroj en Svislando}}
Inter la periodo 1990-2005, la surfaco de la [[:Kategorio:Glaĉeroj de la Alpoj|Alpaj glaĉeroj]] malpliiĝis 22%, dum en la antaŭa 12 jaroj nur 1 %. La dikeco de la glaciaro malpliiĝis inter 1992 kaj 2002 ĉirkaŭ 60&nbsp;cm.

En la [[Mioceno]] la montoj suferis fortan [[erozio]]n pro glaciigo,<ref>Gerrard, AJ. (1990) Mountain Environments: An Examination of the Physical Geography of Mountains. Boston: MIT Press. ISBN 978-0-262-07128-4 p 16.</ref> kiu jam estis notita en la mezo de la 19a jarcento fare de naturalisto [[Louis Agassiz]] kiu prezentis artikolon proklamante ke Alpoj estis kovrita de glacio en diversaj intertempoj — teorio kiun li formis studante rokojn ĉe sia hejmo de [[Neuchâtel]] kiujn li kredis originitaj okcidente de [[Berna Oberlando]]. Pro sia verko li estis konata kiel la "patro de la glaciepoka koncepto" kvankam aliaj naturalistoj antaŭ li faris similajn ideojn.<ref name="Shoumatoff63ff">Shoumatoff (2001), 63–68</ref>

[[Dosiero:Aletschgebiet aus dem Flugzeug.jpg|eta|maldekstra|La studoj de [[Louis Agassiz]] pri la [[Unteraar-Glaĉero]] en la 1840-aj jaroj montris ke ĝi moviĝas je 100 m jare.<ref name="Shoumatoff63ff" />]]

Agassiz studis la glaĉeran movon en la 1840-aj jaroj ĉe la [[Unteraar-Glaĉero]] kie li trovis ke ĝi moviĝas je 100 m jare, nome pli rapide en la mezo ol ĉe la bordoj. Lia verko estis pluigita de aliaj sciencistoj kaj nuna konstanta laboratorio ekzistas ene de la glaĉero sub la [[Jungfraujoch]], dediĉita nur al la studo de Alpaj glaĉeroj.<ref name="Shoumatoff63ff" />

Glaĉeroj trenas rokojn kaj sedimentojn kun ili dum ili fluas. Tio kaŭzas erozion kaj la formadon de valoj laŭlonge de la tempo. La valo de la rivero [[Inn]] estas ekzemplo de valo ĉizita de glaĉeroj dum la [[Kvaternaro|glaciepokoj]] kun tipa terasa strukturo kaŭzita de erozio. Eroziitaj rokoj el la plej ĵusa glaciepoko kuŝas sur la fundo de la valo dum la pinto de la valo konsistas el eroziaj al pli malnovaj glaciepokoj.<ref name="Shoumatoff63ff" /> Glaĉeraj valoj havas karakterajn deklivajn murojn (reliefoj); valoj kun pli malsupraj reliefoj kaj montobazaj rokaroj estas restaĵoj de glaĉeraj tra aŭ antaŭe plenigitaj valoj.<ref name="Gerrard132">Gerrard, (1990), 132</ref> [[Moreno]]j, amasoj de rokoj trenitaj dum la movado de la glaĉero, akumuliĝas ĉe la bordoj, centro kaj fino de glaĉeroj.<ref name="Shoumatoff63ff" />

[[Dosiero:Jungfraujoch img 3699.jpg|eta|Ene de glaĉero ĉe la pinto de la trajnstacio ĉe la [[Jungfraujoch]].]]
Alpaj glaĉeroj povas esti rektaj riveroj de glacio, longaj bala-riveroj, etendaj ventumilformaj (montobazaj glaĉeroj), kaj kurtenoj de glacio kiuj pendas el vertikalaj deklivoj el la montopintoj. La premo de la movado kaŭzas ke la glacio rompiĝas kaj krakas laŭte, kaj eble tio estas la klarigo kial oni supozas tradicie ke montoj estas hejmo de drakoj el mezepoka periodo. La krakado kreas neantaŭvideblajn kaj danĝerajn [[glaĉerfendo]]jn, ofte nevideblajn sub nova neĝofalo, kio okazigas la plej granda danĝero al montogrimpantoj.<ref name="Shoumatoff71ff"/>

Glaĉeroj finas en glacikavoj (la [[Rodan-Glaĉero]]), per trenfluo en lagon aŭ riveron, aŭ per disiĝo al neĝofando sur [[herbejo]]. Foje glaĉerero povas disiĝi aŭ rompiĝi rezulte en inundo, damaĝo al propraĵoj kaj perdoj de vivo.<ref name="Shoumatoff71ff">Shoumatoff (2001), 71–72</ref> En la 17a jarcento ĉirkaŭ 2500 personoj mortiĝis pro [[lavango]] en vilaĝo ĉe la franc-itala landlimo; en la 19a jarcento 120 hejmoj en vilaĝo ĉe Zermatt estis detruitaj de lavango.<ref>Fleming (2000), 89–90</ref>

Altaj niveloj de [[precipitaĵo]] okazigas ke la glaĉeroj malaltiĝas al niveloj de [[permafrosto]] en kelkaj areoj dum en aliaj, pli aridaj regionoj, glaĉeroj restas super nivelo de 3,500 m.<ref name="Gerrard78">Gerrard, (1990), 78</ref> La 1,817 kvadrataj kilometroj de la Alpoj kovritaj de glaĉeroj en 1876 mallarĝiĝis al 1,342&nbsp;km² ĉirkaŭ 1973, rezulte en malpliiĝantaj riverakvaj niveloj.<ref name="Gerrard108">Gerrard, (1990), 108</ref> Kvardek procento de la glaciaj areoj en Aŭstrio malaperis ekde 1850, kaj 30 % el tio en Svisio.<ref>Ceben (1998), 38</ref>

== Riveroj kaj lagoj ==
[[Dosiero:St.Bartholomä.jpg|eta|maldekstra|Preĝejo de Sankta Bartolomeo en [[Königssee]] en Bavario estas populara turisma loko.<ref>Shoumatoff (2001), 31</ref>]]

=== Riveroj ===
Du gravaj riveroj de Eŭropo fluas el Svisio: la [[Rejno]] (ĉ. 1200&nbsp;km), kiu fluas ĝis la [[Norda Maro]], kaj la [[Rodano]] (ĉ. 800&nbsp;km), fluanta ĝis la [[Mediteraneo]]. La Rodano estas dua rivero post la [[Nilo]] kiel nesala akvofonto por la Mediteraneo; la rivero ekfluas kiel glaĉera fandakvo, fluas al la Lago [[Lemano]], kaj el tie al Francio kie unu el ties uzado estas malvarmigi [[atomcentralo|atomajn centralojn]].<ref name="Benniston et al. 2011, 3">Benniston et al. (2011), 3</ref> La Rejno originiĝas en areo de 30&nbsp;km² en Svisio kaj reprezentas preskaŭ 60 % el la akvo eksportita el la lando.<ref name="Benniston et al. 2011, 3"/> Ankaŭ ĝi formas grandan lagon, la [[Bodenlago]]n. Alfluantaj valoj, kelkaj el kiuj estas komplikaj, kanaligas akvon al la ĉefaj valoj kiuj povas suferi [[inundo]]jn dum la [[neĝofandado]] kiam rapidaj alfluoj povas okazigi [[torento]]jn kaj detruajn riverojn.<ref name="Ceben 1998, 31">Ceben (1998), 31</ref>

Alia grava rivero kiu originas en la okcidentaj Alpoj (en [[Piemonto]]) estas [[Pado]] (ĉ. 600&nbsp;km), kiu fluas orienten ĝis la [[Adriatika Maro]]. Ankaŭ multaj alfluantoj de Rodano, Rejno kaj Pado fontas en la Alpoj; la plej longa estas [[Adda]] (313&nbsp;km), kiu formas la [[Lago de Como|Lagon de Komon]]. Ankaŭ gravaj estas [[Izero]], [[Aro (rivero)|Aro]] kaj [[Tiĉino (rivero)|Tiĉino]] (ĉiuj inter 240 kaj 300&nbsp;km); la Tiĉino formas la [[Majora Lago|Majoran Lagon]].

En la centraj kaj okcidentaj Alpoj estas la fontoj de pluraj gravaj alfluantoj de [[Danubo]]: [[Inn|Eno]] (ĉ. 500&nbsp;km), [[Dravo]] (ĉ. 700&nbsp;km) kaj [[Sava (rivero)|Savo]] (ĉ. 900&nbsp;km), kiu estas la plej longa rivero el la Alpoj post la Rejno. Ankaŭ originas de centro-orientaj Alpoj la rivero [[Adiĝo]] (ĉ. 400&nbsp;km), kiu enfluas en la Adriatikon.

=== Lagoj ===
Preskaŭ ĉiuj la lagoj en Alpoj devenas de glaciejoj ne plu ekzistantaj.

La plej grandaj estas en la norda flanko: la [[Lago Lemano]] aŭ de [[Ĝenevo]] (582&nbsp;km²), plejparte en Svisio, etparte en Francio, kaj la [[Bodenlago]] aŭ Lago de [[Konstanco (Germanio)|Konstanco]] (536&nbsp;km²), plejparte en Svisio kaj en Germanio, etparte en Aŭstrio. La plej grandaj lagoj en la suda flanko estas la [[Garda-Lago|Lago de Garda]] aŭ Garda-Lago aŭ Lago Benako (370&nbsp;km²), en Italio, kaj la [[Majora Lago|Lago Majora]] aŭ Maggiore aŭ Verbano (212&nbsp;km²), plejparte en Italio kaj etparte en Svisio. La plej profunda lago estas la [[Lago de Como|Lago de Komo]] (146&nbsp;km², 410 m profunda), en Italio.

Aliaj menciindaj lagoj estas la lagoj [[lago Bourget|Bourget]] kaj [[lago de Annecy|de Annecy]] en Francio, la lagoj [[Lago de Neŭŝatelo|de Neŭŝatelo]] (218&nbsp;km²), [[Lago de Zuriko|de Zuriko]], [[Lago de Thun|de Thun]] kaj [[Kvarkantona Lago|Kvarkantona]] en Svisio, la lagoj [[Königssee]] (=de la Reĝo), [[Ammersee|Ammer]], [[Starnberger See|Starnberger]] kaj [[Chiemsee (lago)|Chiem]] en Germanio, la [[lago de Lugano]] parte en Italio kaj parte en Svisio, la lagoj [[Orta]], [[Lago Varese|Varese]] kaj [[Iseo (lago)|Iseo]] en Italio, la lagoj [[Attersee|Atter]] kaj [[Wörthersee|Wörther]] en Aŭstrio, la [[lago de Bohinj]] en Slovenio.

=== Uzado de akvo el Alpoj ===
La Alpoj havigas al vasta areo en malsupra Eŭropo [[trinkebla akvo|trinkeblan akvon]], [[irigacio]]n, kaj [[hidroelektra energio|hidroelektran energion]].<ref>Chatré, Baptiste, et al. (2010), 5</ref> Urboj kiaj [[Milano]] dependas je 80 % el akvo el la alpa deveno.<ref name="Benniston et al. 2011, 1">Benniston et al. (2011), 1</ref><ref>Price, Martin. ''Mountains: Globally Important Eco-systems". University of Oxford</ref> Akvo el la riveroj estas uzata en ĉirkaŭ 500 [[Hidroelektra centralo|hidroelektraj centraloj]], kiuj generas ĝis 2900 [[kilovato]]j hore de elektro.<ref name = "Chatré8"/>

Sciencistoj studas la efikon de [[klimatŝanĝo]] kaj akvuzado. Ekzemple, ĉiujare oni uzas pli da [[akvo]] el la riveroj por [[neĝokanono|neĝoproduktado]] en [[skiejo]]j, kies efiko estas ankoraŭ nekonata. Krome la malpliiĝo de glaĉeraj areoj kombine kun sinsekvo de vintroj kun malmulta [[precipitaĵo]] povus havi futuran negativan efikon sur la riveroj en la Alpoj same kiel negativan efikon por la akvodisponeblo ĉe malaltaj teroj.<ref name="Benniston et al. 2011, 1"/><ref>Chatré, Baptiste, et al. (2010), 13</ref>

== Klimato ==
{{Ĉefartikolo|Alta montaro|Alpa klimato}}
La Alpoj estas klasika ekzemplo de kio okazas kiam [[Modera klimato|moderklimata]] areo je pli malalta altitudo lasas lokon al pli altigita tereno. Altoj en la tuta mondo kiu havas malvarmajn klimatojn similajn al tiuj de la [[polusa regiono|polusaj regionoj]] estas nomataj [[Alpa klimato|alpaj]]. Alto super marnivelo en la supraj regionoj de la atmosfero kaŭzas ke la temperaturo malaltiĝas. La efiko de montoĉenoj sur la hegemoniaj ventoj estas porti varmajn aeron apartenantan al la pli malsupra regiono en supran zonon, kie ĝi etendas en volumeno kontraŭ la kosto de proporcia perdo de temperaturo, ofte akompanata de precipitaĵo en la formo de neĝo aŭ pluvo. La alto de Alpoj estas sufiĉa por dividi la veterajn modelojn en Eŭropo en humida nordo kaj seka sudo ĉar humideco estas suĉata el la aero dum ĝi fluas super la altaj pintoj.<ref>Fleming (2000), 3</ref>

[[Dosiero:Aletschgletscher mit Pinus cembra1.jpg|eta|dekstra|La [[Aleĉ-Glaĉero]] kun pinoj kreskantaj sur la montetoj (2007, la surfaco estas 180 m pli malalta ol antaŭ 150 jaroj).]]

La akra vetero en la Alpoj estis studita ekde la 18a jarcento; partikulare la veteraj modeloj kiaj la sezona [[Feno|fen-vento]]. Nombraj veter-stacioj estis starigitaj en la montoj el la komenco de la 20a jarcento, havigante kontinuajn datumojn por klimatologoj.<ref name="Ceben 22–24">Ceben (1998), 22–24</ref> Kelkaj el la valoj estas pli aridaj ol la ceteraj, ekzemple la valo de [[Aosta]] en Italio, la [[Maurienne]] en Francio, la [[Valais]] en Svisio, kaj norda [[Tirolo (Aŭstrio)|Tirolo]].<ref name="Ceben 22–24" />

La areoj kiuj ne estas aridaj kaj ricevas altajn precipitaĵojn suferas periodajn [[inundo]]jn pro rapida [[neĝofandado]] kaj granda akvelverŝado.<ref name="Ceben 1998, 31"/>

== Pluvo kaj neĝo ==
La ĉefaj precipitaĵoj en la Alpoj povas atingi 3600&nbsp;mm jare; en la valoj ili estas kutime ĉirkaŭ 1000&nbsp;mm jare. Ĝenerale, ili estas pli abundaj ol en la proksimaj ebenaĵoj.

{| class="wikitable"
! lando
! loko
! precipitaĵoj
! plej pluvriĉa<br />monato
! loko
! precipitaĵoj
! plej pluvriĉa<br />monato
! loko
! precipitaĵoj
! plej pluvriĉa<br />monato
|-
| [[Francio]]
| [[Gap]]
| 868&nbsp;mm
| novembro
| [[Chambéry]]
| 1221&nbsp;mm
| oktobro
| [[Chamonix]]
| 1261&nbsp;mm
| marto
|-
| [[Svisio]]
| [[Zermatt]]
| 612&nbsp;mm
| majo
| [[Lucerno]]
| 1173&nbsp;mm
| junio
| [[Sankta Maŭrico]]
| 897&nbsp;mm
| julio
|-
| [[Italio]]
| [[Domodossola]]
| 1479&nbsp;mm
| oktobro
| [[Trento]]
| 1002&nbsp;mm
| oktobro
| [[Tarvisio]]
| 1417&nbsp;mm
| junio
|-
| [[Austrio]]
| [[Innsbruck]]
| 856&nbsp;mm
| julio
| [[Lienz]]
| 915&nbsp;mm
| julio
| [[Graz]]
| 819&nbsp;mm
| julio
|}

Je altoj inter 1,000 kaj 3,000, neĝofalo ekas en Novembro kaj akumuliĝas ĝis Aprilo aŭ Majo kiam la neĝo fandiĝas. La [[neĝolinio]] varias el 2,400 al 3,000&nbsp;m, super kio la neĝo estas permanenta kaj la temperaturoj ĉirkaŭas la frostopunkto eĉ en Julio kaj Aŭgusto. Altaj akvoniveloj en rojoj kaj riveroj pintas en Junio kaj Julio kiam la neĝo estas ankoraŭ fandanta je plej altaj altitudoj.<ref>Ceben (1998), 34–36</ref>

== Klimataj zonoj ==
La Alpoj povas esti dividitaj en kvin klimataj zonoj, el kiuj ĉiu havas diferencan vegetaĵaron. La klimato, plantovivo kaj bestovivo varias inter diferencaj sekcioj aŭ zonoj de montoj. La plej malalta zono estas la zono de montetoj, kiu ekzistas inter 500 kaj 1000 m, depende de la loko. La zono de [[Montano (ekologio)|montano]] etendas el 800 al 1,700 m, sekve de sub-Alpa zono el 1,600 al 2,400 m. La Alpa zono, etende el la [[arbolinio]] al la neĝolinio, estas sekvata de la glacia zono, kiu kovras la glaciigitajn areojn de la monto. Klimataj kondiĉoj montras variantojn ene de samaj zonoj; por ekzemplo, veterkondiĉoj ĉe la pinto de montovalo, etende rekte el la pintoj, estas pli malvarmaj kaj pli akraj ol tiuj de la enirejo de valo kiu tendencas esti malpli akra kaj ricevas malpli neĝofalo.<ref>Viazzo (1980), 17</ref>

Variaj modeloj de [[klimatŝanĝo]] estis projekciataj por la 22a jarcento en la Alpoj, kun timo ke tendenco al pliiĝantaj temperaturoj havos efikn sur neĝofalo, neĝotavoloj, glaciigo, kaj rivera akvelverŝado.<ref>Benniston (2011), 3–4</ref>

== Ekologio ==
=== Flaŭro ===
{{Ĉefartikolo|Flaŭro de Alpoj}}
[[Dosiero:Gentiana clusii03.jpg|eta|maldekstre|Sentiga genciano (''[[Gentiana acaulis]]'').]]
Dektri mil specioj de plantoj estis identigitaj en la alpaj regionoj.<ref name = "Chatré8"/> Alpaj plantoj estas grupigitaj laŭ habitato kaj grundotipo kiuj povas esti el [[kalko]] aŭ ne-kalkaj. La habitatoj gamas el herbejoj, marĉoj, arbaroj (deciduaj kaj koniferaj) areoj al sengrundaj deklivaj rokeraroj kaj [[moreno]]j, kaj rokaroj kaj krestoj.<ref name="Reynolds43ff">Reynolds, (2012), 43–45</ref> Natura vegetara limo kun altitudo estas markata pere de la esto de ĉefe [[decidua]]j arboj — [[kverko]]j, [[fago]]j, [[frakseno]]j kaj [[Sikomora acero|sikomoraj aceroj]]. Tiuj ne atingas precize ĝis la sama alto, nek ofte troviĝas kune; sed ties supra limo korespondas tre klare kun la ŝanĝo el moderklimata al pli malvarma klimato kio siavice pruviĝas per ŝanĝo en la esto de natua herbeca vegetaĵaro. Tiu limo kutime kuŝas ĉirkaŭ 1 200 m super la marnivelo ĉe la norda flanko de la Alpoj, sed ĉe la sudaj deklivoj ĝi ofte altiĝas al 1 500 m, foje eĉ ĝis 1 700 m.<ref>Shoumatoff (2001), 75</ref>

Pri arbaro, estas ofte strio de malaltaj pinoj (''[[Pinus mugo]]''), kiuj siavice estas anstataŭataj de ''Alpenrosen'', nanaj arbustoj, tipe ''[[Rhododendron ferrugineum]]'' (sur acidaj grundoj) aŭ ''[[Rhododendron hirsutum]]'' (sur alkalaj grundoj).<ref>Beattie (2006), 17</ref> Kvankam la ''Alpenrose'' (alpa rozujo) preferas acidajn grundojn, tiu plantoj troviĝas tra la tuta regiono.<ref name="Reynolds43ff" /> Super la [[arbolinio]] estas la areo difinita kiel "alpa" kie en [[alpa herbejo]] troviĝas plantoj kiuj bone adaptiĝis al akraj kondiĉoj de malvarmaj temperaturoj, arideco, kaj altaj altitudoj. La alpa areo fluktuas ege multe pro regionaj fluktuoj en arbolinioj.<ref>Körner (2003), 9</ref>

[[Dosiero:Leontopodium alpinum1.jpg|eta|altdekstre|dekstre|Edelvejso (''[[Edelvejso|Leontopodium alpinum]]'')]]
Alpaj plantoj kiaj la [[Gentiana acaulis|Alpa genciano]] kreskiĝas abunde en areoj kiaj herbejoj super la [[Lauterbrunnental]]. [[Genciano]]j estas nomitaj laŭ la reĝo de [[Ilirio]] nome [[Gencio]], kaj 40 specioj de la ekprintempa floro kreskiĝas en Alpoj, en gamo de 1,500 al 2,400 m.<ref>Shoumatoff (2001), 85</ref> Verkante pri la gencianoj en Svisio [[D. H. Lawrence]] priskribis ilin kiel "malhelaj tage, torĉecaj kun la fuma blueco de la brilo de Pluto."<ref>qtd in Beattie (2006), 17</ref> Gencianoj tendencas "aperi" ripete dum la printempa florado okazas iompostiome je pli postaj datoj, moviĝante el pli malaltaj altitudoj al pli altaltitudaj herbejoj kie la neĝo fandiĝas multe pli poste ol ĉe la valoj. Sur la pli altaj rokejoj la printempaj floroj floras en la somero.<ref name="Reynolds43ff" />

Je tiuj pli altaj altitudoj, la plantoj tendencas formi izolitajn florarkusenojn. Ĉe Alpoj, kelkaj specioj de florplantoj estis registritaj super 4000 m, kiaj ''[[Ranunculus glacialis]]'', ''[[Androsace alpina]]'' kaj ''Saxifraga biflora''. ''[[Eritrichium nanum]]'', komune konata kiel Reĝo de Alpoj, estas la plej maloftaj el la alpaj floroj, kreskiĝante sur rokejoj de 2,600 al 3,750 m.<ref>Shoumatoff (2001), 87</ref> Eble la plej bone konata de la alpaj plantoj estas [[Edelvejso]] kiu kreskiĝas en rokaj areoj kaj povas troviĝi ĉe altitudoj tiom malaltaj kiom 1,200 m kaj tiom alte kiom ĝis 3,400 m.<ref name="Reynolds43ff" /> La plantoj kiuj kreskiĝas je plej altaj altitudoj adaptiĝis al kondiĉoj per specializiĝo kreskantaj sur deklivaj rokeraroj kiuj havigas protekton kontraŭ la ventoj.<ref name = "Sharp14ff">Sharp (2002), 14</ref>

La ekstremaj kaj stresigaj klimataj kondiĉoj permesas la kreskon de plantospecioj kun duarangaj [[metabolito]]j gravaj por medicinaj celoj. ''Origanum vulgare'', ''Prunella vulgaris'', ''Solanum nigrum'' kaj ''[[Urtica dioica]]'' estas kelkaj el plej utilaj medicincelaj specioj troviĝantaj en la Alpoj.<ref>Kala, C.P. kaj Ratajc, P. 2012.[http://rd.springer.com/article/10.1007/s10531-012-0246-x "High altitude biodiversity of the Alps and the Himalayas: ethnobotany, plant distribution and conservation perspective".] ''Biodiversity and Conservation'', 21 (4): 1115–1126.</ref>

[[Dosiero:Naturasollieres.jpg|eta|maldekstra|Konservitaj internaj alpaj arbaro kaj herbejo, [[Nacia parko Vanoise]].]]
Homa interfero preskaŭ neniigis arbojn en multaj areoj, kaj, escepte pro la fagaroj de la Aŭstriaj Alpoj, arbaroj de deciduaj arboj estas rare troviĝantaj post la ekstrema [[senarbarigo]] inter la 17a kaj la 19a jarcentoj.<ref>Gerrard (1990), 225</ref> La vegetaĵaro ŝanĝis ekde la dua duono de la 20a jarcento, ĉar la altaj alpaj herbejoj ĉesis esti kolektitaj por fagoligno aŭ uzitaj por bestopaŝtado kio fine rezultus en rekresko de arbaro (rearbarigo). En kelkaj areoj la moderna praktiko konstrui [[skiejo]]jn funkciigatajn pere de mekanikaj rimedoj detruis la restintan tundron el kio la plantovivo ne povas rekuperiĝi dum la ne-skiaj monatoj, dum la areoj kiuj ankoraŭ praktikas naturan skiadon sur deklivoj konservas la fragilajn plantotavolojn.<ref name = "Sharp14ff"/>

=== Faŭno ===
La Alpoj estas habitato por 30,000 naturaj specioj, game el la plej etetaj neĝo-[[pulo]]j al la [[bruna urso]], multaj el kiuj faris adaptojn al la akraj malvarmaj kondiĉoj kaj altaj altitudoj ĝis la punkto ke kelkaj el ili survivas nur en specifaj mikroklimatoj ĉu rekte super aŭ sub la [[neĝolinio]].<ref name = "Chatré8"/><ref>Shoumatoff (2001), 90, 96, 101</ref>

[[Dosiero:Jeune bouquetin de face.jpg|eta|altdekstre|Juna alpa [[ibekso]]. Ĉe plenkreskulo la kornoj povas atingi grandon de unu metro.]]

La plej granda mamulo kiu vivas en la plej altaj altitudoj estas la [[alpa ibekso]], kiu estis vidita tiom alte kiom ĝis 3,000 m. La ibekso loĝas en kavoj kaj sobiras manĝi al la fekundaj alpaj herbejoj.<ref>Shoumatoff (2001), 104</ref> Klasigitaj kiel [[antilopo]]j,<ref name="Reynolds43ff" /> [[ĉamo]]j estas pli malgrandaj ol ibeksoj kaj troviĝas tra la tuta Alparo, loĝante super la arbolinio kaj estas oftaj en la tuta alpa teritorio.<ref>Rupicapra rupicapra [Linnaeus, 1758][http://www.ultimateungulate.com/Artiodactyla/Rupicapra_rupicapra.html]</ref> Areoj de la orientaj Alpoj estas ankaŭ hejmo al brunaj ursoj. En Svisio la [[Kantono Berno]] ricevis tiun nomon pro la ursoj sed la lasta urso registrita estis mortigita en 1792 proksime de [[Kleine Scheidegg]] fare de tri ĉasistoj el [[Grindelwald]].<ref>Shoumatoff (2001), 101</ref>

Multaj roduloj kiaj [[kampomuso]]j loĝas suntere. [[Marmoto]]j loĝas preskaŭ nur super la arbolinio tiom alte kiom ĝis 2,700. Ili vintrumas en grandaj grupoj por havigi varmon,<ref name="Shoumatoff102ff">Shoumatoff (2001), 102–103</ref> kaj povas troviĝi en ĉiuj areoj de Alpoj, en grandaj kolonioj kiujn ili konstruas sub la alpaj herbejoj.<ref name="Reynolds43ff" /> La [[reĝa aglo]] kaj la [[gipaeto]] estas la plej grandaj birdoj troveblaj en Alpoj; ili nestumas alte sur rokaj kornicoj kaj povas troviĝi je altitudoj de 2,400 m. La plej ofta birdo estas la [[alpa montokorvo]] kiu povas troviĝi je rubomanĝado ĉe kabanoj de montogrimpistoj aŭ ĉe [[Jungfraujoch]], altaltituda turisma destinaĵo.<ref name="Shoumatoff97ff">Shoumatoff (2001), 97–98</ref>

[[Dosiero:Parnassius phoebus.jpg|eta|maldekstra|La alpa [[Apolon-papilio]] adaptiĝis al alpaj kondiĉoj.]]
Reptilioj kiaj [[Viperedoj|viperoj]] loĝas ĝis la neĝolinio; ĉar ili ne povas elteni la malvarmajn temperaturojn ili vintrumas subtere and alŝutas varmon sur rokaroj.<ref name = "Shoumatoff95ff">Shoumatoff (2001), 96</ref> La altaltituda [[alpa salamandro]] adaptiĝis al vivo super la neĝolinio naskante tute disvolvigante junulojn pli ol ovodemetante. La [[bruna truto]] povas troviĝi en rojoj ĝis la neĝolinio.<ref name = "Shoumatoff95ff"/> Moluskoj kiaj la ''Helicigona'' vivas ĝis la neĝolinio. Populare rikoltitaj kiel manĝaĵo, tiuj [[heliko]]j estas nune protektitaj.<ref name="Shoumatoff88ff">Shoumatoff (2001), 88–89</ref>

Nombraj specioj de [[noktopapilio]]j vivas en Alpoj, kelkaj el kiuj ŝajne evoluis en la sama habitato ĝis antaŭ 120 milionoj da jaroj, longe antaŭ la Alpoj kreiĝis. La blueca [[papilio]] ''Cupido minimus'' povas ofte esti vidata trinkanta el la neĝofandado; kelkaj specioj de bluaj noktopapilioj flugas tiom alte kiom ĝis 1,800 m.<ref>Shoumatoff (2001), 93</ref> La papilioj tendencas esti grandaj, kiaj tiuj el la hirundovosta genro ''Parnassius'' al kiu apartenas la [[Apolono-papilio]], kun habitato kiu havas teritoriojn ĝis 1,800 m. Dekdu specioj de [[skarabo]]j havas habitatojn ĝis la neĝolinio; la plej bela kaj iam kolektita pro siaj koloroj sed nun protektita estas ''[[Rosalia alpina]]''.<ref>Shoumatoff (2001), 91</ref> Araneoj, kiaj la granda [[luparaneo]], vivas super la neĝolinio kaj povas esti vidata tiom alte kiom ĝis 4,00 m. [[Skorpio]]j povas troviĝi en la Italaj Alpoj.<ref name="Shoumatoff88ff" />

Kelkaj specioj de [[tineo]]j kaj [[insekto]]j montras pruvojn esti indiĝenaj de la areo de tiom longe kiom la propra Alpa orogenio. En la [[Lago Emosson|Emosson]] en Valais, Svisio, dinosaŭraj spuroj estis trovitaj en la 1970-aj jaroj, date probable el la [[Triaso]].<ref>Reynolds (2012), 75</ref>

== Alpaj popoloj kaj kulturo ==
{{Ĉefartikolo|Triŝtupa paŝtado}}
La loĝantaro de la regiono estas de 14 milionoj etendaj tra ok landoj.<ref name = "Chatré8"/> Ĉe la bordo de montoj, sur altebenaĵoj kaj aliaj ebenaĵoj la ekonomio konsistas el fabrikaj kaj servaj laborpostenoj dum en la plej altaj altitudoj kaj en la montoj agrikulturo estas ankoraŭ esenca por la ekonomio.<ref>Chartes et. el. (2010), 14</ref> Farmado kaj forstado pluestas ĉefaj faktoroj de la Alpa kulturo, kaj por industrioj kiuj havigas varojn por eksportado al urboj kaj eltenas la montaran ekologion.<ref name="Chartes et. el. 2010, 5">Chartes et. el. (2010), 5</ref>

[[Dosiero:Hallstatt 300.jpg|eta|[[Hallstatt]] estas konata pro sia produktado de salo, date el prahistoriaj tempoj.]]
Multo de Alpa kulturo restis senŝanĝe ekde mezepoka periodo kiam la metikapabloj garantiis survivadon en la montovaloj kaj eĉ en la plej altaj vilaĝoj la viveltenoj baziĝis sur fortaj tradicioj de ĉarpentrado, lignoĉizado, bakado kaj kuk-, kaj fromaĝ-produktado.<ref name = "Shoumatoff123ff">Shoumataff (2001), 123–126</ref>

Farmado estis tradicia okupado dum jarcentoj, kvankam ĝi iĝis malpli hegemonia en la 20a jarcento pro la alveno de turismo. Paŝtado kaj ankaŭ paŝtejoj estas limigitaj pro la dekliva kaj roka reliefo de Alpoj. Meze de Junio bovinoj estas translokigitaj al la plej altaj paŝtejoj proksime de la neĝolinio, kie ili estas zorgitaj de paŝtistoj kiuj restas en la altaj altitudoj ofte loĝante en ŝtonaj kabanoj aŭ lignaj grenejoj dum la someroj.<ref name = "Shoumatoff123ff"/> Vilaĝanoj celebras la tagojn kiam la bovinoj estas portataj al la paŝtejoj kaj denove ili revenas en mezo de Septembro. La [[Almabtrieb]] (germane ''Almabtrieb'' laŭlitere: movo de la Alpoj) estas jarokazaĵo en la alpaj regionoj en Eŭropo, rilatante al bovintransporto en aŭtuno; tiam oni ornamas bovinojn per girlandoj kaj [[bovosonorilo]]j, dum la kamparanoj vestas sin per tradiciaj kostumoj.<ref name = "Shoumatoff123ff"/>

La honorigo [[Alpa urbo de la jaro]] estas premio donita al urboj en la Alpa regiono pro ilia speciala engaĝiĝo al la efektivigo de la [[Alpa Konvencio]], la plej grava internacia protekta kaj reklamada programo por la Alpa regiono. La Alpaj urboj estas organizitaj en la internacia asocio "Alpa Urbo de la Jaro".

== Turismo ==
[[Dosiero:Speikboden gebiet.jpg|eta|maldekstre|La skiejo en Speikboden, Suda Tirolo.]]
La Alpoj estas unu el la plej popularaj turismaj aliroj en la mondo kun multaj vintrosportejoj kiaj [[Oberstdorf]], en Bavario, [[Saalbach-Hinterglemm|Saalbach]] en Aŭstrio, [[Davos]] en Svislando, [[Chamonix]] en Francio, kaj [[Cortina d'Ampezzo]] en Italio kie oni registras pli ol unu miliono de vizitantoj ĉiujare. Kelkaj samtempuloj (ekz. la regionhistoriisto, kamparano kaj verkisto [[Hans Haid]] ankaŭ akre kritikas la influojn de turismo sur la alpajn vivkondiĉojn kaj tradiciajn kutimojn. Kun ĉirkaŭ 120 milionoj da vizitantoj jare, turismo estas esenca al la Alpa ekonomio kun multo devena el la vintraj sportoj, kvankam someraj vizitantoj estas ankaŭ grava komponanto.<ref name="Bart">Bartaletti, Fabrizio.[http://alpsknowhow.cipra.org/background_topics/alps_and_tourism/alps_and_tourism_chapter_introduction.html "What Role Do the Alps Play within World Tourism?"] {{Webarchiv|url=https://web.archive.org/web/20090427175833/http://alpsknowhow.cipra.org/background_topics/alps_and_tourism/alps_and_tourism_chapter_introduction.html |date=2009-04-27 }}. ''Commission Internationale pour la Protection des Alpes''. CIRPA.org. Alirita la 9an de Aŭgusto 2012</ref>

La turisma industrio ekis en la komenco de la 19a jarcento kiam eksterlandanoj komencis vizitis la Alpojn, veturante al la bazoj de la montoj por ĝui la pejzaĝon, kaj restis ĉe la banejoj. Oni konstruis grandajn hotelojn dum la [[Belle Époque]]; [[Dentorela fervojo|dentorelaj fervojoj]], konstruitaj komence de la 20a jarcento, alportis turistojn eĉ al plej altaj altaĵoj, enkalkulante eĉ la [[Jungfraubahn]] fine en la Jungfraujoch, bone super la eterna neĝo-linio, post iri tra tunelo en Eiger. Dum tiu periodo vintrejoj estis malrapide enkondukita: en 1882 okazis la unua ĉampioneco de [[arta sketado]] en [[St. Moritz]], kaj ekde tian [[sketado]] iĝis populara sporto kun ekzemple anglaj vizitantoj jam komence de la 20a jarcento,<ref name="Bart" /> kaj la unua skiejo estis instalita en 1908 ĉe Grindelwald.<ref>Beattie (2006), 198</ref>

* Pri aliaj [[turismaj regionoj]]
** [[Vercors (montomasivo)]]
** Franca Nacia Parko [[La Vanoise]]

== Transportoj ==
[[Dosiero:Europe Wikivoyage banner Alps.png|775ra]]

=== Fervojaj tuneloj ===
[[Gotarda Baza Tunelo]] (GBT) estas 57,1&nbsp;km longa fervojtunelo tra la Alpoj kies norda enirejo situas en [[Erstfeld]] kaj la suda enirejo situas en [[Biasca]] (Svislando). Ĝi estas la plej longa fervojtunelo en la mondo.

La [[Gotard-tunelo]] estas la unua fervoja tunelo tra la Gotardmontaro, kiu trapasas la tutan alpan ĉenon. La Gotard-tunelo ligas la kantonon [[Tiĉino]] kun la kantono [[Urio]]. Dum longa tempo ĝi estis kun sia longeco de 15 003 m la plej longa tunelo tra la Alpoj, ĝis tiun rolon transprenis la [[tunelo de Simplono]] (19,8&nbsp;km).

Tunelo de Simplono estas fervoja tunelo kiu ligas la urbojn [[Brigo]] en Svisujo kaj [[Domodossola]] en Italio. La nomo estas de vilaĝo ([[Sempiono VS]]). La svisa portalo estas en Brigo kaj la itala portalo estas antaŭ la stacio Iselle di Trasquera.

Proksime estas la fervoja [[baza tunelo de Lötschberg]], tuta en Svislando, longa 34,6&nbsp;km.

Alia grava fervoja tunelo estas la [[tunelo de Frejus]] (13,7&nbsp;km), inter Italio kaj Francio.

Pli mallongaj fervojaj tuneloj situas sub la Montopasejo Tenda, inter Italio kaj suda Francio (8,1&nbsp;km), sub Arlberg en Aŭstrio (10,2&nbsp;km) kaj sub Karavankoj inter Aŭstrio kaj Slovenio (8,0&nbsp;km).

=== Aŭtoŝoseaj tuneloj ===
Aldonaj al la fervojaj tuneloj, estas ankaŭ aŭtoŝoseaj tuneloj apud Gotardo, Frejus, Arlberg, Karavankoj kaj Tenda. La aŭtoŝosea Gotard-tunelo estas longa 16,9&nbsp;km, tiu de Frejus 12,9&nbsp;km, tiu de Arlberg 15,5&nbsp;km, tiu de Karavankoj 7,9&nbsp;km kaj tiu de Tenda 3,2&nbsp;km.

Grava aŭtoŝosea (sen responda fervoja tunelo) estas la [[Tunelo sub la Blanka Monto]], inter Francio kaj Italio. Ĝi estas longa 11,6&nbsp;km.

Pli mallongaj aŭtoŝoseaj tuneloj estas sub la montopasejoj Granda Sankta Bernardo (Italio/Svislando, 5,8&nbsp;km) kaj Sankta Bernardeto (Svislando, 6,6&nbsp;km).

=== Konstruataj tuneloj ===
Pluraj novaj "bazaj" tuneloj fervojaj konstruatas dum tiuj jaroj. Jen listo ne kompleta:
* Inter Italio kaj Francio: nova baza tunelo de Frejus (57,5&nbsp;km)
* Inter Aŭstrio kaj Italio: nova baza Brener-tunelo (ĉ. 55&nbsp;km)
* En Aŭstrio: novaj bazaj tuneloj de Semmering (27,3&nbsp;km) kaj de Koralpe (32,9&nbsp;km).

== Referencoj ==
{{Referencoj|2}}

== Literaturo ==
* Allaby, Michael et al. ''The Encyclopedia of Earth''. (2008). Berkeley: University of California Press. ISBN 978-0-520-25471-8
* Beattie, Andrew. (2006). ''The Alps: A Cultural History''. New York: Oxford University Press. ISBN 978-0-19-530955-3
* Benniston, Martin, et al. (2011). [http://www.unige.ch/climate/Publications/Beniston/ESP2011.pdf "Impact of Climatic Change on Water and Natural Hazards in the Alps"] {{Webarchiv|url=https://web.archive.org/web/20130603060400/http://www.unige.ch/climate/Publications/Beniston/ESP2011.pdf |date=2013-06-03 }}. ''Environmental Science and Policy''. Volume 30. 1–9
* Cebon, Peter, et al. (1998). ''Views from the Alps: Regional Perspectives on Climate Change''. Cambridge MA: MIT Press. ISBN 978-0-262-03252-0
* Chatré, Baptiste, et al. (2010). [http://www.alpconv.org/en/publications/alpine/Documents/Vademecum_web.pdf ''The Alps: People and Pressures in the Mountains, the Facts at a Glance''] {{Webarchiv|url=https://web.archive.org/web/20150513125121/http://www.alpconv.org/en/publications/alpine/Documents/Vademecum_web.pdf |date=2015-05-13 }}. Permanent Secretariat of the Alpine Convention (alpconv.org). Konsultita la 4an de Aŭgusto, 2012. ISBN 978-88-905158-2-8
* De Graciansky, Pierre-Charles et al. (2011). ''The Western Alps, From Rift to Passive Margin to Orogenic Belt''. Amsterdam: Elsevier. ISBN 978-0-444-53724-9
* Feuer, A.B. (2006). ''Packs On!: Memoirs of the 10th Mountain Division in World War II''. Mechanicsburg, Pennsylvania: Stackpole Books. ISBN 978-0-8117-3289-5
* Fleming, Fergus. (2000). ''Killing Dragons: The Conquest of the Alps''. New York: Grove. ISBN 978-0-8021-3867-5
* Halbrook, Stephen P. (1998). ''Target Switzerland: Swiss Armed Neutrality in World War II''. Rockville Center, NY: Sarpedon. ISBN 978-1-885119-53-7
* Halbrook, Stephen P. (2006). ''The Swiss and the Nazis: How the Alpine Republic Survived in the Shadow of the Third Reich''. Havertown, PA: Casemate. ISBN 978-1-932033-42-7
* Hudson, Simon. (2000). ''Snow Business: A Study of the International Ski Industry''. New York: Cengage ISBN 978-0-304-70471-2
* Gerrard, AJ. (1990) ''Mountain Environments: An Examination of the Physical Geography of Mountains''. Boston: MIT Press. ISBN 978-0-262-07128-4
* Körner, Christian. (2003). ''Alpine Plant Life''. New York: Springer Verlag. ISBN 978-3-540-00347-2
* Lancel, Serge. (1999). ''Hannibal''. Oxford: Blackwell. ISBN 978-0-631-21848-7
* Mitchell, Arthur H. (2007). ''Hitler's Mountain''. Jefferson, NC: McFarland. ISBN 978-0-7864-2458-0
* Prevas, John. (2001). ''Hannibal Crosses The Alps: The Invasion Of Italy And The Punic Wars''. Cambridge, MA: Da Capo Press. ISBN 978-0-306-81070-1
* Reynolds, Kev. (2012) ''The Swiss Alps''. Cicerone Press. ISBN 978-1-85284-465-3
* Roth, Philipe. (2007). ''Minerals first Discovered in Switzerland''. Lausanne, CH: Museum of Geology. ISBN 978-3-9807561-8-1
* Schmid, Stefan M. (2004). "Regional tectonics: from the Rhine graben to the Po plain, a summary of the tectonic evolution of the Alps and their forelands". Basel: Geologisch-Paläontologisches Institut
* Sharp, Hilary. (2002). ''Trekking and Climbing in the Western Alps''. London: New Holland. ISBN 978-0-8117-2954-3
* Schmid, Stefan M.et al. (2004). "[https://web.archive.org/web/20061127173157/http://pages.unibas.ch/earth/tecto/research/Schmid_et_al_2004_Ecl.pdf Tectonic map and overall architecture of the Alpine orogen"]. ''Eclogae Geologicae Helvetiae''. Volume 97. 93–117
* Shoumatoff, Nicholas and Nina. (2001). ''The Alps: Europe's Mountain Heart''. Ann Arbor, MI: University of Michigan Press. ISBN 978-0-472-11111-4
* Viazzo, Pier Paolo. (1980). ''Upland Communities: Environment, Population and Social Structure in the Alps since the Sixteenth Century''. Cambridge: Cambridge University Press. ISBN 978-0-521-30663-8

== Vidu ankaŭ ==
{{Div col|cols = 4}}
* [[Francaj Alpoj]]
* [[Svisaj Alpoj]]
* [[Aŭstraliaj Alpoj]]
* [[Blankmonta Masivo]]
* [[Ĉefa alpa kresto]]
* [[Montogrimpado]]
* [[Rokogrimpado]]
* [[Alpa apuso]]
* [[Alpa cerambiko]]
* [[Alpa marmoto]]
* [[Alpa skiado]]
* [[Alpa trituro]]
* [[Alpa-himalaja sistemo]]
* [[Antaŭalpoj]]
{{Div col end}}

== Eksteraj ligiloj ==
{{Projektoj|q=Alpoj}}
* http://gridk1ach.grid.unep.ch/preAC/en/soia.htm {{Webarchiv|url=https://web.archive.org/web/20041212031327/http://gridk1ach.grid.unep.ch/preAC/en/soia.htm |date=2004-12-12 }} <!-- en:System for Observation of and Information on the Alps   en->eo:(Sistemo, Aparato) (ĉar, kontraŭ, por, pro) Observado (da, de) kaj Informo (super, sur) la Alpoj     it:Sistema per l'osservazione e informazione sulle Alpi   it->eo:_Sistema_ _per_ l'_osservazione_ e informo _sulle_ Alpoj     sr:System for Observation of and Information on the Alps -->
* http://modis.gsfc.nasa.gov/gallery/individual.php?db_date=2005-09-17 <!-- en:Satellite photo of the Alps   en->eo:(Satelito, Artefarita ĉielkorpo, Sputniko) _photo_ (da, de) la Alpoj     it:Foto satellitari della Alpi   it->eo:_Foto_ _satellitari_ _della_ Alpoj     sr:Satellite photo of the Alps -->
* http://www.eumetsat.int/en/area5/iotm/19930503_convection/19930503_convection.html {{Webarchiv|url=https://web.archive.org/web/20060219191616/http://www.eumetsat.int/en/area5/iotm/19930503_convection/19930503_convection.html |date=2006-02-19 }} <!-- en:Convection over the Alps   en->eo:_Convection_ (fino, super, antaŭ) la Alpoj     it:Convezione sulle Alpi   it->eo:_Convezione_ _sulle_ Alpoj     sr:Convection over the Alps -->

{{Ligiltabelo Montaroj de Francio}}
{{Leginda|2022|10|29}}
{{Havenda artikolo|Alpoj}}
[[Dosiero:Tyrol banner Alps.jpg|775ra]]
{{Bibliotekoj}}

[[Kategorio:Alpoj| ]]
[[Kategorio:Montaroj en Svislando]]
[[Kategorio:Montaroj en Aŭstrio]]
[[Kategorio:Montaroj en Francio]]
[[Kategorio:Montaroj en Germanio]]
[[Kategorio:Montaroj en Italio]]
[[Kategorio:Montaroj en Slovenio]]