Aro (komputiko)

El Vikipedio, la libera enciklopedio
Saltu al: navigado, serĉo

En komputiko, aro estas datumstrukturo konsistanta el grupo de elementoj indicigitaj. Tiuj elementoj devas esti de la sama datumtipo (ekz. nur entjeroj), ĉar aro ne povas enteni elementojn de malsamaj datumtipoj. Ĉiuj elementoj en aro havas indicojn (t.e. indeksnumerojn) sinsekve, per kiuj la programo povas manipuli la datumon en ĉiu elemento. En kelkaj programlingvoj la unua elemento en iu aro havas indicon 0, la dua havas indicon 1, kiel tiel plu. En aliaj lingvoj la unua elemento havas indicon 1, (kaj sekve 2, 3, ktp). Plej multaj programlingvoj havas aron kiel antaŭdifinitan datumtipon.

Respektiva al ĉi tio matematika objekto estas indeksita familio sed ne aro (matematiko) en matematika senco.

En kelkaj lingvoj, kiam la programisto kreas aron, tiu devas "deklari" la grandecon de la aro. Tio estas la nombro da elementoj, kiun la aro povos enhavi, kaj ne estas ŝanĝebla post la deklaro -- do se la aro ne estus sufiĉe granda por enhavi ĉiom da la necesaj datumoj, la programisto devus krei alian aron. Tian aron oni nomas maldinamika aro. Kelkaj lingvoj subtenas dinamikajn arojn, kiuj povas sin etendi laŭnecese. Tia lingvo ne devigas al la programisto deklari la grandecon de la aro.

Ekzistas ankaŭ plurdimensiaj aroj -- ĉiu elemento de tia aro havas pli ol unu indicojn. Plurdimensia aro povas ekzemple reprezenti tabelon aŭ matricon kun kaj kolumnoj kaj linioj.

Aroj en la java[redakti | redakti fonton]

En la programlingvo Java, arojn oni povas krei ĉi tiel:

 int[] miaAro = new int[5];

Tio kreas aron da entjeroj, kaj tiu aro povas enteni kvin entjerojn. La programisto nun povas enmeti entjerojn en la aron ĉi tiel:

miaAro[0] = 1;
miaAro[1] = 18;
miaAro[2] = 5;
miaAro[3] = 33;
miaAro[4] = 50;

La programisto povas eluzi la datumojn en la aro ĉi tiel:

int k = 3 + miaAro[3]; // k nun egalas 3 + 33 = 36
miaAro[4] = k - miaAro[2]; // miaAro[4] nun egalas 31

Vidu ankaŭ[redakti | redakti fonton]