Barués
| Barués | |||
|---|---|---|---|
| loĝloko forlasita vilaĝo  vd
| |||
| Administrado | |||
| Demografio | |||
| Geografio | |||
| Geografia situo | 42° 26′ N, 1° 13′ U (mapo)42.43062-1.21168Koordinatoj: 42° 26′ N, 1° 13′ U (mapo) [+] | ||
| |||
| |||
|
| |||
Barués estas neloĝata vilaĝo, en la municipo Sos del Rey Católico, en la provinco Zaragozo. Ĝi apartenas al la komarko Cinco Villas, en la historia hispana regiono Aragono.
Geografio
[redakti | redakti fonton]"Barués" situas proksimume sep kilometrojn sude de "Sos del Rey Católico". La loko estas alirebla per trikilometra pavimita vojo kiu komenciĝas en la vilaĝo "Novellacos". [1]
Ĝia distanco al Zaragozo estas 120 km kaj ĝia alteco sur la marnivelo estas 650 m. Komence de 1999 Barués havis 8 loĝantoj, fine de 2006 nur 3 kaj iom pli poste, en la jaro 2008, ĝi restis tute senhoma. [2]
La vilaĝo "Barués" situas ĉe la kunfluo de la interkrutejoj Barués kaj Vandunchil.
Demografio
[redakti | redakti fonton]Evoluo de la loĝantoj de Barués de la jaro 1999 ĝis 2008:
8 (1999) -- 6 (2000) -- 5 (2001) -- 4 (2002) -- 2 (2003)
4 (2004) -- 3 (2005) -- 3 (2006) -- 1 (2007) -- 0 (2008)
Historio
[redakti | redakti fonton]Ĝi havis 30 domojn kaj pli ol 100 loĝantojn. Fundamente ĝi vivis per cerealo kaj brutaro. Oni semis tritikon kaj hordeon kaj prizorgis ŝafojn. [3]
La elektro neniam atingis Barués, kaj la akvo devis esti alportita de fonto proksimume 10 minutojn de la vilaĝo. Tie oni lavis kaj blankigis la vestojn per blankigilo de ligna cindro.
Monumentoj
[redakti | redakti fonton]- Preĝejo dediĉita al "Santa Te" (Sankta Te): Ĝi fine estis restaŭrita meze de 2006 kaj ĝia zorgema aspekto kontrastas kun la konstruaĵoj, kiuj ĉirkaŭas ĝin. [1] Ĝi estas preĝejo kun ununura navo, kies mezuroj estas proksimume: longo 25 metroj kaj larĝo 10 metroj, al kiu oni aldonis poste perimetran verandon alkroĉitan al ĝiaj sudaj kaj okcidentaj fasadoj, surbaze de sinsekvaj pintaj arkoj. [4] De la origina templo restas nur ĝia kapo, konsistigita de absida cilindro kaj pastrejo konstruita per bonaj ŝtonoj. La nuna navo estis konstruita multe pli poste, farita en masonaĵo kaj simila al la perimetra verando. Sur la norda flanko de la preĝejo estas bela baptujo, de la 12-a jarcento, ekzakta kopio de tiu en Sos del Rey Católico, simila laŭ stilo al tiu en Navardún. Tiu ĉi baptujo devenas de ermitejo parte ruinigita en Campo Real, donacita de ĝia posedanto al tiu ĉi preĝejo dediĉita al Santa Te. [5] La preĝejo estas alirita tra duonronda dovela pordo kun pli posta farado. Ambaŭflanke de la pordo estas du fenestroj konsistantaj el du kaj tri malgrandaj pintaj aperturoj, kiuj ŝajnas esti prenitaj de antaŭa konstruo. [6] En la ĉirkaŭaĵo de la preĝejo oni povas vidi fragmentajn restaĵojn de ŝtonsarkofagoj, kiuj aperis en la laboro de la ĉirkaŭaj kampoj, en pli granda kvanto norde de la templo.
Estas menciinde
[redakti | redakti fonton]Malgraŭ esti neloĝata vilaĝo, dum la festo de San Gregorio, ĝiaj iamaj loĝantoj ne ĉesas iri al la pilgrimado ĉiujare. [1]
Festoj
[redakti | redakti fonton]- La 9-an de majo "San Gregorio" (Sankta Gregorio).: La festo daŭris tri tagojn. Nuntempe la iamaj loĝantoj kaj posteuloj kunvenas nur ĉiun 9-an de majo en la preĝejo de Santa Te. Tie oni celebras meson memore al la mortintoj, la kampoj estas benitaj kaj tagmanĝo estas organizita sub la verandoj de la preĝejo. [3] Nia Sinjorino de Barués estas figuro de romanika ĉizado el la 13-a jarcento, troviĝas en la preĝejo de San Esteban de Sos del Rey Católico, sed ĝi estas alportata al la preĝejo de Barués pilgrime ĉiujare nur la 9-an de majo. [7]
Vidu ankaŭ
[redakti | redakti fonton]- Aragona regioneto Cinco Villas. [8]
Referencoj
[redakti | redakti fonton]Eksteraj ligiloj
[redakti | redakti fonton]- Sportvojoj- [8]