Depresio Huankabamba

El Vikipedio, la libera enciklopedio
Salti al navigilo Salti al serĉilo

La Depresio Huankabamba estas depresio oriente-okcidente tra la montaro Andoj en la nordo de Peruo. La depresio interrompas la centran kaj orientan montarĉenojn de la kordilero, dum la rivero Marañón ŝanĝas direkton por dreni kun siaj alfluantoj en direkto orienten al la amazonia ebenaĵo. La plej malalta punkto de la Cordillera Occidental estas la Pasejo Porkuja, je 2145 metroj super la marnivelo.

La Depresio Huankabamba estas hejmo de la Maranjonaj sekaj arbaroj, kiuj formas konekton biogeografian inter la arbaroj de la marbordo de la Pacifiko kaj tiuj de la Amazonio same kiel barieron biogeografian inter la sudaj kaj centraj Andoj.