Dhoti

El Vikipedio, la libera enciklopedio
Salti al navigilo Salti al serĉilo
Ĥasiaj popoldancistoj vestantaj "dhoti"-ojn kaj aliajn tradiciajn "garb"-ojn.

La dhoti, konata ankaŭ kiel panĉe, vesti, dhuti, mardani, ĉaadra, dhotarpanĉej, estas tipo de sarongo kiu deekstere similas al pantalono. Ĝi estas malalta vesto kiu formas parton de la nacia aŭ etna vesto de viroj en la Hinda subkontinento.[1] La dhoti estas farita el ortangula peco de nekudrita tolo, kutime ĉirkaŭ 4.5 metrojn longa, volvita ĉirkaŭ la talio kaj la kruroj kaj nodita ĉu antaŭe ĉu malantaŭe. Dhoti estas de simplaj aŭ solidaj koloroj; silka dhoti kun borditaj bordoj estas konsiderata formala vesto, estas vestita en religiaj ceremonioj kaj en naci/etnaj festivaloj. Kontraste al dhoti, mult-kolora kaj jupeca sarongo nomita longji (lungi) estas vestita hejme kaj por hazarda ekstera promenado.[1] Tamen estas esceptoj al tiu regulo en kelkaj sudbarataj komunumoj kie tutblanka longji (mundu) kun brodaĵo estas la etna formala vesto por viroj.

Notoj[redakti | redakti fonton]

  1. 1,0 1,1 [Indian Dhoti https://www.indianmirror.com/culture/clothing/dhoti.html] Alirita la 1an de majo 2020.