Grandaj balotantoj (Francio)

Pli detalaj informoj troveblas en artikolo Francaj senatanaj balotoj.

La grandaj balotantoj estas la reprezentantoj de la franca popolo komisiitaj pri elekto de la senatanoj.

Senatanaj balotoj (en la departementoj)

La senatanoj estas elektitaj en ĉiu departemento de balotantaro konsistanta el :

1. deputitoj kaj senatanoj ;
2. regionaj konsilianoj en la departemento (laŭ la kazoj : konsilianoj de la Asembleo de Korsiko, konsilianoj de la Asembleo de Gujano, konsilianoj de la Asembleo de Martiniko) ;
3. departementaj konsilianoj ;
4. delegitoj de la municipaj konsilioj aŭ anstataŭantoj de tiuj delegitoj.
   • La municipaj konsilianoj elektas inter siaj membroj en la komunumoj kun pli ol 9000 loĝantoj :
     • 1 delegiton por municipaj konsilioj kun 9 ĝis 11 membroj ;
     • 3 delegitojn por municipaj konsilioj kun 15 membroj ;
     • 5 delegitojn por municipaj konsilioj kun 19 membroj ;
     • 7 delegitojn por municipaj konsilioj kun 23 membroj ;
     • 15 delegitojn por municipaj konsilioj kun 27 ĝis 29 membroj.
   • En la komunumoj kun 9000 loĝantoj kaj pli, ĉiuj municipaj konsilianoj estas plenrajtaj delegitoj. Plie, en la komunumoj kun pli ol 30 000 loĝantoj, la municipaj konsilianoj elektas pliajn delegitojn po 1 por 800 loĝantoj super 30 000.
5. membroj de la asembleoj, konsilioj aŭ kongresoj de transmaraj kolektivumoj aŭ de Nov-Kaledonio.