Hendiadino

El Vikipedio, la libera enciklopedio
Jump to navigation Jump to search

Hendiadino estas retorika parolfiguro, kiu priskribas unu aferon per du similsencaj esprimoj. La vorto devenas de la greka ἓν διὰ δυοῖν (hen dia diojn = "unu per du").

Kontraste al taŭtologio, en kiu du sinonimoj aŭ kvazaŭ-sinonimoj aperas gramatike samrangaj, en hendiadino iu vorto estas sence subordigita, sed gramatike kunordigita kun alia.

PIV donas la ekzemplon "en pokalo kaj oro…" (= en ora pokalo).

En iuj lingvoj oni konsideras ankaŭ kelkajn taŭtologiojn hendiadinoj, se unu sola el la du vortoj ne elvokas la signifon; oni povas kompari tion al la esprimo "Sodomo kaj Gomoro", kiu elvokas multe pli ol "Sodomo" kaj "Gomoro" unuope. Tiaj kunordigitaj hendiadinoj ofte estas fiksaj esprimoj kun proverbeca karaktero.