Kavernoj ĉe Punkva

El Vikipedio, la libera enciklopedio
Salti al navigilo Salti al serĉilo
Enirejo

La kavernoj ĉe rivereto Punkva troviĝas en karsta kanjono de dezerta ravino proksimume 6 km de urbo Blansko.

La kavernoj ĉe Punkva estas la plej famaj kaj la plej atraktaj kavernoj en Ĉeĥio. Komune kun abismo Macocha ili estas konsisto de la plej ampleksa kaverna sistemo de Ĉeĥio – 35 km longa Amatora kaverno. Du paralelaj branĉoj de grandareaj, majestaj kaj per gutŝtonoj diversloke laŭvorte troplenigitaj koridoroj, ĉambregoj kaj katedraloj inter Dezerta ravino kaj abismo Macocha ili estas du niveloj de subteraj riverfluejoj de subtera rivero Punkva. Ili estas elfluejo kaj definitiva finigo de la sistemo de Amatora kaverno.

Pli alte situanta, pli malnova kaj hodiaŭ jam seka etaĝo de la kavernoj kondukas vizitantojn el Dezerta ravino tra sistemo de grandegaj katedraloj ĝis la fundo de abismo Macocha. De tie eblas malsupreniri al la hodiaŭa subtera fluo de Punkva kaj sur ties surfaco tranavigacii ĝis ties elfluo en belega natura rokpordego, do reen ĝis Dezerta ravino.

Spegula lageto
Anĝelo
eta

Jam en Antaŭa katedralo katenos vizitantojn kvarmetra stalaktito, altaj pagodoj de stalagmitoj kaj Spegula lageto. Grandegan, preskaŭ 40 m altan spacon kreas Katedralo de Reichenbach. Poste sekvas karsta Galerio kaj ampleksa Malantaŭa katedralo (33 x 27 x 26 m) kun stalaktitoj kaj stalagmitoj de rimarkindaj formoj. Malantaŭ ĝi, en kruciĝo kun preme modelita Tunelkoridoro, estas unika formacio de unuiĝintaj gutŝtonoj, kurtenoj kaj sintraj kaskadoj – Anĝelo. Mallarĝa artefarita tunelo kondukas ĝis la fundo de ĉeĥa plej grandega (sed ne la plej profunda), mondfama, 187,5 m profunda abismo – Macocha. Tio estas simbolo de Moravia karsto.

Vidu ankaŭ[redakti | redakti fonton]

Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.