Kazaĥoj
Kazaĥoj (kazaĥe қазақтар) estas granda azia etno, konsistiganta la plejparton de loĝantaro en Kazaĥio. En Kazaĥia Esperanto-movado ankaŭ estas foje uzata vorto kazakoj, pli proksima al la memnomo de kazaĥoj, sed ne tradicia en Esperanto.
Kazaĥoj parolas la kazaĥan lingvon, kiu apartenas al la tjurka lingvaro.
Lastatempe registaro de Kazaĥio sekvas politikon de altiro de alilandaj kazaĥoj al konstanta loĝado en Kazaĥio. Ĉirkaŭ duonmiliono da etnaj kazaĥoj tiamaniere enpatriiĝis.
