Kim Chaek

KIM Chaek [kim ĉek] (naskiĝis la 14-an de aŭgusto 1903, mortis la 31-an de januaro 1951) estas elstara korea politika kaj milita aganto, heroo de la nacio.

Naskiĝinte en malriĉa kampara familio, li aliĝis al la korea komunista partio en 1925. Ekde 1932 li estis en la estraro de la ribela movado kontraŭ japanaj okupantoj en norda Koreio kaj nord-orienta Ĉinio.

Aktive partoprenis la Korean militon (1950-1953) kiel komandanto de fronto.

Omaĝe al Kim Chaek estis nomitaj urbo kaj teknologia universitato en Pjongjango.