Kobajaŝi Takiĝi
KOBAJAŜI Takiĝi (angla transskribo Kobayashi Takiji; n. la 23-an de oktobro 1903, m. la 20-an de februaro 1933) estis japana laborista (proleta) verkisto.
Biografio
Kobajaŝi naskiĝis en Odate, gubernio Akita, plenkreskis en Otaru, Hokkaidō. Post studado en altlernejo de Otaru (nun Universitato de Komerco de Otaru, li laboris en la loka oficejo de la Banko Takuŝoku de Hokaido. Lia plej fama verko estas la Kanikosen (Krab-kaptista ŝipo) en 1929. Ĝi rakontas pri diversaj personoj, kiuj komencas organizi unuiĝon de fiŝkaptaj laboristoj. Li membriĝis en la Japana Komunista Partio en 1931 kaj estis turmentita kaj murdita fare de la polico de Tokkō.
Surprize, la manga-versio de Kanikosen estis la plej bone vendata libro en 2008, en Japanio.
Verkoj
- Kanikosen
- 15-a de marto, 1928 (bazita je incidento de 15-a de marto.)