Kolportisto

El Vikipedio, la libera enciklopedio
Saltu al: navigado, serĉo
La kolportisto (De Marskramer), de Jeroen Bosch (Muzeo Boijmans van Beuningen).

Kolportisto estas (laŭ PIV) migranta etvendisto, tio estas komercisto kiu tradicie ne restas en vendejo sed iras de loko al loko, historie de vilaĝo en vilaĝon kun la celo vendi pomalgrande. Nuntempe temas pri persono kiu iras de pordo al pordo kun la intenco vendi artiklojn aŭ servojn al la loĝantoj. Dum la 1950-aj jaroj, kiam komenciĝis la rekonstruado post la Dua Mondmilito, novaj produktoj aperis en la merkato. Por atentigi la homojn pri tio, kolportistoj ekzemple ekiris kun polvosuĉiloj. La artiklo je tiu momento estis bonega por kolporte vendi ĉar:

  • La butikumanta publiko ankoraŭ estas malmulte bonfarta, kaj aĉetoj oni faris pro neceso, ne pro bezono de lukso. Rigardi montrofenestrojn pro tio estis malpli populara okupo ol pli poste, kaj nova produkto facile povus eskapi al ies atento.
  • Ekzistis tradicio de domo-al-domovendo. Liverantoj alportis legomojn, lakton kaj aliajn tagajn necesaĵojn al la frontpordo (ofte ankaŭ al la postpordo), kaj ne estis malkutime kiam inter ili troviĝis alia nekonata vendisto.
  • Oni povis pro la persona kontakto de la vizito demonstracii kaj rekomendi la produkton al la ofte hezitema aĉetant(in)o.

Vidu ankaŭ[redakti | redakti fonton]