Kontraŭgripa vakcino

El Vikipedio, la libera enciklopedio
Salti al navigilo Salti al serĉilo
Flegistino vakcinas usonan mararmeanon.

La kontraŭgripa vakcino, estas vakcino kiu protektas kontraŭ infekto de gripaj virusoj. Nova versio de la vakcino estas disvolvita dufoje jare, ĉar la gripa viruso rapide ŝanĝiĝas. Kvankam ties efikeco varias de jaro al jaro, la plej multaj el ili provizas modestan ĝis altan protekton kontraŭ gripo. Usona Centro por Malsan-Kontrolo kaj Antaŭzorgo taksas ke vakcinado kontraŭ gripo reduktas malsanon, medicinajn vizitojn, enhospitaligojn, kaj mortojn. Kiam imunizita laboristo malsaniĝas pro la gripo, ili averaĝe ree laboras duonan tagon pli frue. Vakcina efikeco en malpli ol du jaraĝulojn kaj pli ol 65 jaraĝaj restas nekonata pro la malalta kvalito de la esplorado. Vakcinataj infanoj povas protekti la ĉirkaŭantojn.

La Monda Organizaĵo pri Sano rekomendas jaran vakcinadon por preskaŭ ĉiuj homoj ĉirkaŭ la aĝo de ses monatoj, precipe tiuj kun alta risko. La Eŭropa Centro por Malhelpado kaj Kontrolo de Malsanoj ankaŭ rekomendas ĉiujaran vakcinadon por grupoj altriskaj. Ĉi tiuj grupoj inkluzivas gravedajn virinojn, maljunulojn, infanojn inter ses monatoj kaj kvin jaroj, tiujn kun aliaj sanproblemoj, kaj tiujn, kiuj laboras en kuracejoj aŭ aliaj publikaj ejoj kun kontakto amase al multaj homoj.

La vakcinoj estas ĝenerale sekuraj. Febro okazas en kvin ĝis dek procentoj de vakcinitaj infanoj. Eventuale povas okazi ankaŭ muskolaj doloroj aŭ laceco. En kelkaj jaroj, la vakcino estis ligita al pliigo de la sindromo de Guillain-Barré inter pli aĝaj homoj laŭ rapideco de ĉirkaŭ unu okazo por miliono da dozo. Ĝi ne devus esti donita al tiuj kun severaj alergioj al antaŭaj versioj de la vakcino. Kvankam la plej multaj gripaj vakcinoj estas produktitaj uzante ovajn teknikojn, bovinoj estas tamen rekomenditaj por homoj kun ov-alergioj, eĉ se severaj. La vakcinoj venas en ambaŭ neaktivaj kaj malfortigitaj virusaj formoj. La neaktiva versio devas esti uzata por tiuj kiuj estas gravedaj. Ili venas per formoj injektitaj en muskolo, ŝprucitaj en la nazo aŭ injektitaj en la meza tavolo de la haŭto.

Vakcinado kontraŭ gripo komenciĝis en la 1930-aj jaroj kun grandskala havebleco en Usono ekde 1945. Ĝi estas sur la Listo de Esencaj Medikamentoj de la Monda Organizaĵo pri Sano, la plej efikaj kaj sekuraj medikamentoj bezonataj en sansistemo. La pogranda prezo en la evoluanta mondo estas ĉirkaŭ $ 5,25 USD po dozo ekde 2014. En Usono, ĝi kostis malpli ol $ 25 USD en 2015.