Krado (signo)

• Krado estas vico da lignaj aŭ feraj stangoj kun pli aŭ malpli grandaj spacoj inter ili. La stangoj povas esti kruce interplektitaj. La kradon oni uzas por ion bari aŭ apartigi.

• Krado estas sinonimo de latiso en kristalografio.

#

• Krado estas ankaŭ nomo de la signo # sur la klavo de la komputila aŭ telefona klavaro. Ĝenerale ĉi tiu simbolo servas por indiki numeron (precipe en Usono, ekz-e angle Symphony #5 = «La 5a simfonio»), kaj en Unikodo ĝi same nomiĝas — «numera signo» (angle Number sign). Ĉar la angla konfuzas numerojn kaj nombrojn, oni iam uzas la signon kalembure, por indiki kardinalan nombron: #A por signi la nombron de elementoj de aro A (en alia notacio: |A|). Oni ne konfuzu ĉi tiun simbolon kun la signo dieso, por kiu en Unikodo ekzistas la aparta signo ♯ (Unicode U+266F).

• Ĝi estas uzata por skribi kradvortojn.