La Juda Ŝtato
La Juda Ŝtato (germane Der Judenstaat) estas libro de la juda aŭstria ĵurnalisto Theodor Herzl. Ĝi estas konsiderata kiel startpunkto de la cionismo. Ĝi argumentas, ke la problemo de la kontraŭjudismo estos solvita, kiam la judoj disaj tra la mondo kunrevenos kaj kreos sendependan ŝtaton.
Theodor Herzl, literatura eldonisto de la ĵurnalo Neue Freie Presse, skribis la verkon Juda Ŝtato en 1896. Post la Unua Cionista Kongreso, realigita en Bazelo la 29-an de aŭgusto 1897, estis kreita la Monda Cionisma Organizaĵo, kies unua prezidanto iĝis Herzl.
Ĉi tiu libro kaŭzis trafon sen precedencoj en la juda mondo fine de la 19-a jarcento. Ĝis tiam, la judoj parolis pri la kontraŭjudismo en fermitaj rondoj, kaj la plimulto eĉ ŝajnigis ignori ĝin, por ne altiri la atenton de malfavoraj malamikoj. Herzl denuncis la kontraŭjudismon, kiel neniu antaŭe faris. Antaŭ li, nur la juda ruso Leono Pinsker traktis la problemon similmaniere en la libro «Mememancipiĝo». Herzl mem akceptis, ke se li mem estus leginta ĝin, eble li ne estus verkinta la Judan Ŝtaton, kiu nur iom post la publikigo aperis ankaŭ en angla, rusa, jida, hebrea, franca kaj hispana tradukoj. En sia eldoneja komento, la angla ĵurnalo The Jewish Chronicle publikigis: «Iu Moseo ĵus naskiĝis. Li nomiĝas Theodor Herzl.»[1]
Esperanto-traduko de Bernhard Selzer aperis en 1934 ĉe la eldonejo Literatura Mondo en Budapeŝto, kun antaŭparolo de Emil Pfeffer.