Les Fantômes du chapelier (filmo)
Les Fantômes du chapelier (La fantomoj de la ĉapelisto) estas franca filmo de Claude Chabrol aperinta en 1982.
Rakonto
Léon Labbé, burĝo de Concarneau, posedas ĉapel-vendejon vid-al-vide al la domo de Kachoudas, tajloro de armena deveno. Tiu ĉi postsekvas la ĉapeliston dum ties trairoj kaj fine ekkonscias, ke tiu estas la strangolanto de maljunaj virinoj, kiu agas en la regiono depost iom da tempo. Kachoudas rezignas denunci lin kaj ekmalsaniĝas. Labbé fine konfesas al li la kialon de siaj krimoj: li murdis sian edzinon kaj por kaŝi sian krimon, li devas elimini ĉiujn amikinojn de sia edzino, ĉar tiuj ĉi intencis viziti ŝin por ŝia venonta datreveno. Dum Labbé estas murdonta sian lastan viktimon, li ekscias, ke tiu ĉi mortis antaŭ 15 tagoj pro malsano. samtempe, Kachoudas mortas. Sed Labbé ankoraŭ estas pelata de siaj mortigaj pulsioj.
Teĥnikaĵoj
- Titolo: Les Fantômes du chapelier
- Lando: Francio
- Lingvo: Franca
- Reĝisoro: Claude Chabrol
- Reĝisoro-asistanto: Vincent Lascoumes
- Scenaro: Claude Chabrol adaptita de samnoma romano de Georges Simenon
- Produkta firmao: Philippe Grumbach Productions, S.F.P.C., Films A2
- Filmado: En Concarneau kaj Quimper (Finistère, Francio)
- Bildo: Jean Rabier
- Muziko: Matthieu Chabrol
- Dekoroj: Jean-Louis Povéda
- Fotisto: Vincent Rossell
- Muntado: Monique Fardoulis
- Formato: Kolora
- Ĝenro: Krimo, mistero, trilero
- Daŭro: 120 minutoj
- Aperdato: 26-a de majo 1982
Rolularo
- Michel Serrault, Léon Labbé, ĉapelisto
- Charles Aznavour, Kachoudas, tajloro
- Monique Chaumette, S-ino Labbé, la fantomo
- François Cluzet, Jeantet, ĵurnalisto
- Aurore Clément, Berthe, prostituitino
- Isabelle Sadoyan, Alice Kachoudas, edzino de la tajloro
- Jean Champion, Senatano Laude
- Bernard Dumaine, Arnoult
- Victor Garrivier, Doktoro Chaudreau
- Mario David, Komisaro Pigeac
- Robert Party, Inspektoro Caille
- Fabrice Ploquin, Valentin
- Christine Paolini, Louise Chapus
- Nathalie Mayat, Esther
- Marcel Guy, Gabriel
- Jean-Claude Bouillaud, Patro de Louise
- Jean Leuvrais, Lambert
Rimarko
En 1947, Simenon verkis novelon titolitan Le petit tailleur et le chapelier (La eta tajloro kaj la ĉapelisto). Li reuzis saman temon la postan jaron, ŝanĝante la finon, kun titolo Bénis soient les humbles (Benataj estu la humilaj), kies angla traduko havigis al li premion de la monata magazino «Ellery Queen's Mystery Magazine». Romano, kiun li publikigis en 1949 kun titolo Les Fantômes du chapelier (La fantomoj de la ĉapelisto) prezentas trian disvolviĝon, kiun respektis Chabrol.
Referencoj
- Les Cahiers du Cinéma, n-ro 338, 1-a de julio 1982
- Cinéma 82, n-ro 282, 1-a de junio 1982
- Cinéma 85, n-ro 325, 16-a de oktobro 1985
- Cinématographe, n-ro 79, 1-a de junio 1982
- Positif, n-roj 257-258, 1-a de julio 1982
- La Revue du Cinéma, n-ro 374, 1-a de julio 1982
