MI6

MI6 [prononco "em-aj-siks" en la originala angla, sed "mo-i-ses" en Esperanto] aŭ Secret Intelligence Service (SIS, foje simple nomata Secret Service) estas la prieksterlanda sekreta servo de la ŝtato Britio. MI6 estas mallongigo por "Military Intelligence, Section 6", do "armea informiĝa servo, sekcio ses". Direktoro de la MI6 ekde novembro 2009 estas John Sawers.

Tre konata en reala vivo, la sekreta servo eĉ pli famiĝis en fikcio per la kinejaj filmoj kaj rilataj verkaĵoj pri la rolulo James Bond, fikcia agento de la servo, ofte simple nomata laŭ sia agenta numero "007", kiu havu nelimigitan "licencon pri mortigo" en sia tasko savi ne nur Brition, sed la tutan mondon ĉefe el la minaco de la Sovetunio.

Historio

La brita sekreta servo estis fondita de Francis Walsingham (1532–1590). La ŝtata oficisto starigis tre efikan kaj komplikan spionan sistemon kaj per ĝi malebligis plurajn atencojn al la angla reĝino Elizabeto la 1-a (1558–1603).

Eksteraj ligiloj

• Oficiala retejo
• informoj pri la servo fare de la brita Oficejo pri Ekstera politiko kaj Komunumo de Nacioj