Militoŝipo
Militŝipo estas ĉiaspeca akvoveturilo ekipita por uzo en milito. Homaj socioj, en kiuj gravis mara transporto, jam frue komencis konstrui malsamajn tipojn da ŝipoj por militado kaj por komerco. Kiam komenciĝis la moderna epoko, velŝipoj anstataŭigis la antaŭajn remilajn ŝipojn, kaj meze de la 19-a jarcento la velŝipojn anstataŭigis motore movitaj ŝipoj.
Dum multaj jarcentoj militŝipoj estis ekipitaj aparte por la batalado kontraŭ aliaj militŝipoj, kaj ekzistis limigita nombro da militŝipaj tipoj.
Fine de la 19-a jarcento tamen tre variiĝis la ŝipaj tipoj: aldone al tradiciaj diversgrandaj militŝipoj, kiel fregatoj kaj korvetoj, aldoniĝis inter alie submarŝipoj kaj aviadilaj ŝipoj, apartaj ŝipoj kontraŭ maraj minoj kaj specifaj ŝipaj armetransportiloj.
