Mosse-Stift

El Vikipedio, la libera enciklopedio
Salti al navigilo Salti al serĉilo
Mosse-Stift en Berlino-Wilmersdorf

La fondaĵo Mosse-Stift estas konstruaĵo en la kvartalo Wilmersdorf de la distrikto Charlottenburg-Wilmersdorf de Berlino. Ĝi ricevis la nomon de siaj fondintoj Emilie kaj ŝia edzo, la esperantisto Rudolf Mosse, kiuj konstruigis ĉi tie orfejon.

baroka fasada dekoracio

Fine de la 19-a jarcento, la riĉa esperantista kaj gazeta eldonisto Rudolf Mosse kaj lia edzino Emilie donacis interkonfesian orfejon por 100 infanoj. Tiucele ili akiris areon de ĉirkaŭ 12.500 kvadrataj metroj okcidente de la ekzistanta domaro de Berlino inter la vilaĝoj (kaj postaj urbokvartaloj) Wilmersdorf kaj Schmargendorf. Sur la norda rando de la loko, ĉe la vojo Mecklenburgische Strasse, la malnova liga vojo inter la du vilaĝoj, palaco-simila konstruaĵo estis starigita inter 1893 kaj 1895, kaj parko estis aranĝita sur la restanta areo sude. La konstruaĵo historiiganta estis aranĝita kiel nov-baroka tri-ala komplekso kun kupola meza parto. Super kelo, la konstruaĵo havas du plenajn etaĝojn kaj subtegmenton. La tegmento estas kovrita per nigraj ardezaj paneloj.