Overwatch

Overwatch
Eldonejo	Blizzard Entertainment
Evoluiganto	Blizzard Entertainment
Dato de lanĉo	24-a de majo 2016
Serio	Overwatch
Videoludilo	Microsoft Windows, PlayStation 4, Xbox One, Nintendo Switch
Tipo de videoludo	unuapersona pafludo, sciencfikcia videoludo, hero shooter
Maniero de ludado	multludista videoludo
Regiloj	komputila klavaro, komputila muso, ludstirilo
Takso de PEGI	PEGI 12
Takso de ESRB	Teen (Adoleskuloj)
	v • d • r

Overwatch (laŭvorte: "Superrigardo") estas pafada videoludo kreita de Blizzard Entertainment. La ludo estis anoncita la 7-an de novembro, 2014 dum "Blizzcon 2014" kaj ĝia beta versio debutis la 27-an de oktobro, 2015.

Roloj[redakti | redakti fonton]

La roluloj de Overwatch estas dividitaj en kvar grupojn: ofensivan, defendan, tankan kaj apogan. Ĉiu heroo havas unikajn lertaĵojn laŭ sia rolo.

Ofensiva: La roluloj de ĉi tiu kategorio havas bonegan moveblecon kaj povas kaŭzi multan damaĝon dum mallonga tempdaŭro, sed mankas al ili multe da defend-kapablo.
Defensiva: La roluloj de ĉi tiu kategorio protektas kaj dominas strategian lokon en la ludejo. Ĉi tiuj roluloj estas treege utilaj en batalado kontraŭ aliaj specoj de roloj.
Tanka: La tankaj roluloj estas la plej duraj kaj rezistaj. Ilia tasko estas protekti laŭeble siajn kunulojn per ensorbi damaĝon.
Apoga: La apogaj roluloj kuracas siajn kunulojn. Ankaŭ ili povas ŝildi kaj disponi aliajn avantaĝojn. Ili devas gvati siajn kunulojn kaj regi siajn malkunulojn.

Ludantoj povas ŝanĝi sian rolulon (kaj sian rolon) post la morto dum ludado.