Schindellegi
Schindellegi | |
---|---|
vilaĝo • kvartalo | |
Kantono | Ŝvico |
Komunumo(j) | Feusisberg |
Koordinatoj | 47° 10′ 12″ N 8° 42′ 0″ O / 47.17000 °N, 8.70000 °O (mapo)Koordinatoj: 47° 10′ 12″ N 8° 42′ 0″ O / 47.17000 °N, 8.70000 °O (mapo) |
Areo | 6 km² |
Alteco | 764 m super marnivelo |
Poŝtkodo | 8834 |
Pri la municipo
Schindellegi estas setloloko de la komunumo Feusisberg en la distrikto Höfe, Kantono Ŝvico, Svislando. Ĝi havis 3249 loĝantojn je la 31-a de decembro 2009[1].
Geografio
Schindellegi situas sur kresto inter la montoj Etzel kaj Zimmerberg sur alteco de 685 m s.m. Sude de la montokresto fluas la rivero Sihl, kiun nur mallata rokbarilo devigas flui okcidenten al Zuriko anstataŭ norden al la Lago de Zuriko, al kiu oni de Schindellegi havas belan vidon. Tra Sihl pasas paralele ponto de la aŭtovojeca kantona ĉefvojo n-ro 8, de la vilaĝa strato de Schindellegi kaj de la fervojo.
Trafiko
Schindellegi disponas pri stacidomo ĉe la trajnlinio de la Svisaj Sudorientaj Fervojoj de Sankt-Galo tra Rapperswil al Lucerno. Tiu linio kruciĝas en Schindellegi per la trajnlinio de Wädenswil al Einsiedeln. La kantona ĉefvojo n-ro kondukas en tunelo sub la vilaĝa kerno al la Sattel-Pasejo. Poŝtaŭtolinio kondukas de la stacidomo de Schindellegi al la ĉefvilaĝo Feusisberg.
Historio
La unua dokumenta mencio de Schindellegi datiĝas el la jaro 1220 kiel Schindelar (= deponejo por lignotegeloj). Schindellegi estis plurfoje loko de miltaj aktivecoj, nome dum la Malnova Zurika Milito (1439-1450), dum la Militoj de Kappel (1529-1531) kaj laste sum la Apartfederacia Milito en la jaro 1847, kiam la ŝvicanoj unue sukcese defendis sin kontraŭ la federaciaj trupoj antaŭ la kompleta okupo de la kantono. Dum la Malnova Zurika Milito en la jaro 1440 la zurikanoj devis cedi la Malantaŭan Bienon, kiel tiam nomiĝis Wollerau, al kiu Schindellegi apartenis, al la ŝvicanoj. La komunumo Feusisberg estis kreita per la nova konstitucio en la jaro 1848 el la vilaĝoj Feusisberg kaj Schindellegi.
Vidindaĵoj
Vidinda estas la preĝejo Sankt-Anna, kiu estis konstruita innter la jaroj 1907 ĝis 1909 sur la rokobarilo, kiu baras al la rivero Sihl la rektan vojon al la Lago de Zuriko.
Notoj kaj referencoj
Eksteraj Ligiloj
Bildoj
-
La katolika preĝejo Sankt-Anna vidita de la vilaĝo
-
La preĝejo de Schindellegi kaj la monto Etzel
-
La preĝejo Sankt-Anna interne
-
Stacidomo de Schindellegi
-
Pontoj trans Sihl
-
Labirinto antaŭ la preĝejo
-
Vido de Schindellegi al la Lago de Zuriko
-
Modernaj domoj en la vilaĝocentro
|