Efim Feofanoviĉ Spiridoviĉ

EdE-S

Efim Feofanoviĉ SPIRIDOVIĈ, blankruso, sovetiano, multajn jarojn ĵurnalisto (de 1918) kaj instr.-lektoro pri Politika ekonomio kaj ekonomia geografio, de 1931 scienca laboranto de Moskva kaj Ĥarkova scienc-esploraj institutoj de lingvoscienco. Nask. en 1891 kiel filo de gelaboristoj. Esploristo pri teorio de int. helpa lingvo laŭ marksisma vidpunkto. Aŭtoro de R-E Vortaro, 1926 kaj 1928; grava studo ruslingva „Lingvoscienco kaj lingvo int.,“ 1931, aperinta ankaŭ en japana traduko, kaj multaj artikoloj samtemaj en SEU-gazeto, Sennacieca Revuo, La Nova Etapo. L K de 1929.