Bivakĉapo

Diversaj manieroj porti bivakhaŭbon

Bivakhaŭbo, bivakĉapo (aŭ balaklavumo) estas haŭbo por kovri la tutan kapon kaj kolon, lasante ne kovrita sole malgrandan parton de la vizaĝo, la okulojn, buŝon.

Bivakhaŭboj estas protektilo kontraŭ malvarmo, tiel uzataj de sportistoj en vintra sporto. Por kaŝi la personan identecon ili estas uzataj kaj de specialaj taĉmentoj de militistoj, policistoj kaj de punkuloj dum manifestacioj, de huliganoj kaj teroristoj, kiuj tiel kamuflas sin.

Por aŭtokonkursistoj bivakhaŭboj el fajroprotekta materialo estas nepra parto de kontraŭfajra protekto.

Ankaŭ fajrobrigadistoj uzas la haŭbon kiel protekton kontraŭ fajro kaj varmego, ĝi estas parto de la spirprotekta ekipaĵo.

Vidu ankaŭ

• Masko