Vikipedio:Evitu nebulajn vortojn
|
Resumo de tiu ĉi paĝo Evitu vortojn kaj frazojn, kiuj faras tekston nebula, biasita, ne preciza. Uzu rektan, klaran lingvaĵon. |
Nebulaj vortoj aŭ anonima aŭtoritato estas vortoj aŭ frazoj, kiuj ŝajnigas sin apogitaj, tamen ilin apogas nur anonima aŭtoritato. Nebulaj vortoj donas al frazoj imagon de aŭtoritata aserto sed ne ebligas al leganto konfirmi ĉu la aserto devenas de fidinda fonto. Nebulaj asertoj kutime ne sekvas neŭtralan vidpunkton kaj devas esti apogitaj per fontoj aŭ forigitaj.
Ekzemple: „Bjalistoko estas la plej bela urbo de la mondo” estas okulfrape malneŭtrala aserto; ĝi estas opinio. Uzante nebulajn vortojn oni kreas iluzion de neŭtrala aserto kun fonto: „oni asertas, ke Bjalistoko estas la plej bela urbo de la mondo”.
Kvankam unuavide la frazo ŝajnas esti plibonigo, ĉar ĝi ne prezentas opinion rekte kiel fakton, ĝi restas seninforma. Kiu tion asertas? Ĉu vi? Ĉu mi? Kiom da homoj tion asertas? Ĉu ili estas objektivaj? Kia speco de homoj tion asertas?
Nebulaj vortoj fakte ne provizas neŭtralan vidpunkton, sed disvastigas onidirojn aŭ donas al opinioj vagan, malrektan formon. Multe pli bonas prezenti konkretan homoj / grupon, kiu ion opinias ol uzi anoniman aŭtoritaton.
Ŝablonoj
[redakti fonton]Por atentigi pri uzado de nebulaj vortoj eblas uzi ekz. jenajn ŝablonojn:
Vidu ankaŭ
[redakti fonton]En tiu ĉi artikolo estas uzita traduko de teksto el la artikolo Wikipedie:Vyhněte se vyhýbavým slovům en la ĉeĥa Vikipedio.