Ŝtokmana gasminejo

Ŝtokmana
ruse Штокмановское месторождение
gasminejo • Gasokondensata minejo
Situo: Barenca maro (Rusio) Geografia situo 73° 0′ 26″ N, 44° 0′ 19″ O (mapo)73.00722222222244.005277777778 Ŝtokmana (Rusio) DEC Tipo: gasokondensata minejo Parto de: Oriento-Barenca naftogasa provinco Malkovro: 1988 Statuso: ekspluatopreta Kapacito: 2536,4 miliardoj da kubaj metroj (2002) Ekspluatanto: Gazpromo

Ŝtokmana minejo estas la gasokondensata minejo kiu situas en la kontinentobreto de la Barenca maro (Rusio), 560 km oriente de la urbo Murmansko kaj estas parto de la Oriento-Barenca naftogasa provinco. Ĝi estis malkovrita en 1988.

Geologio

La samnoma levaĵo forme de granda antiklinala faldo (51 x 38 km, amplitudo 245 m) troviĝas ene de Ŝtokmana fleksejo de Oriento-Barenca megafleksejo. En la volba parto de la faldo estas serio de ŝirrompaĵoj. Sekco de la minejo estas malfermita ĝis la fundo 3153 m kaj konsistas el sedimentaĵoj de kvaternaro, kretaceo, ĵurasio kaj supra triaso.

Gaso troviĝas en terigenaj sedimentaĵoj de supra (Ju₀) kaj meza (Ju₁, Ju₂, Ju₃) ĵurasio je la fundo 1814-2317 m. Efikaj dikecoj varias: Ju₀ 46,5 m, Ju₁ 48,8 m, Ju₂ 17,8 m, Ju₃ 12,4 m. Poreco 17-24%, komenca tavolpremo 20-23,9 MPa. Elminigado de gaso en 2002 estis 12,6 ĝis 1076,5 mil m³ diurne.

Konsisto de la gaso: metano 92,4-96,3%, homologoj de metano 1,9-3,4%, azoto 1,7-2,5%, karbonduoksido 0,2-0,7%. La eventuala enhavo de gasokondensato kreskas kun profundeco: de 5,3 gramoj/m³ (Ju₀) ĝis 14,1 gramoj/m³ (Ju₃).

En 2002 la komenca esplorita gaskapacito estis taksita je 2536,4 miliardoj da kubaj metroj, la minejo estis preta por ekspluatado.

Literaturo

• Старосельский, В. И.. [2004] Р. И. Вяхирев: Штокмановское месторождение // Российская газовая энциклопедия (ruse). Москва: Большая Российская энциклопедия, p. 488. ISBN 5-85270-327-3.