Andrzej Frycz Modrzewski
Andrzej Piotr Modrzewski blazono Jastrzębiec, konata kiel Andrzej Frycz Modrzewski (naskiĝis la 20-an de septembro 1503 en Wolbórz (proksime al Piotrków Trybunalski), mortis en 1572 samloke) – pola kreinto kaj politika verkisto de renesanco, tiutempe konata eksterlande, reĝa sekretario, adepto de irenismo.
Verkaro
La plej konata lia verko estas skribita latine: De Republica emendanda (Pri plibonigo de la Respubliko, 1551). La disertaĵo estis ankaŭ tradukita en la germanan lingvon kaj publikigita en Krakovo kaj Bazelo. La verko konsistas el kvin libroj:
- De moribus (Pri moroj)
- De legibus (Pri leĝoj)
- De bello (Pri milito)
- De Ecclesia (Pri Eklezio)
- De schola (Pri lernejo)
La libro dediĉita al la Eklezio estis de katolikaj instancoj rekonita kiel hereza, tial la verko de Frycz ektroviĝis en la Indekso de malpermesitaj libroj, kaj la unua eldono aperis sen du lastaj libroj.