Evoluhelpo
El Vikipedio
Evoluhelpo, aŭ pli moderne Evolua Kunlaboro aŭ Evolua Politiko estas koncepto de modernaj industriaj ŝtatoj (kiel la ŝtatoj de okcidenta Eŭropo, Norda Ameriko, Japanio, Aŭstralio, Nov-Zelando) aŭ ŝtatokomunumoj kun la celo plibonigi la ekonomian, socian kaj politikan situacion de "evolu-landoj", kiuj grandparte dum la 19-a kaj parte 20-a jarcento estis koloniigitaj kaj ekspluatitaj de (tiuj aŭ aliaj) industriaj ŝtatoj. La baza celo estas krei tie elteneblajn vivkondiĉojn laŭ la modelo de la modernaj industriaj ŝtatoj. La evoluhelpa politiko inkluzivas ĉiujn metodojn kaj agojn, kiuj servas al tiu celo.
