Gama-aminobuterata acido
Struktura formulo | |
---|---|
Ĝeneralaĵoj | |
Nomo | Gamo-Aminobuteracido |
Alternativaj nomoj | 4-Aminobuteracido, Gamo-Aminobutanacido |
Mallongigo | GABA |
Kemia formulo | C4H9NO2 |
CAS-numero | 56-12-2 |
Fizikaj proprecoj | |
Agregata stato | Solida |
Koloro | Senkolora |
Molmaso | 103,12 g/mol |
Degela punkto | 203 °C |
Pliaj proprecoj | |
pKs-valoro | 4,05 |
Solvebleco | 1300 g/l (en akvo ĉe 25 °C) |
Gamo-Aminobuteracido estas la biogena amino de la glutama acido. Ĝi konsideriĝas la plej grava inhibicia neŭrotransmisiilo en la centra nerva sistemo. Laŭ kemia strukturo temas pri aminoacido ne utiligata por konstruo de proteinoj. La substanco estas tiel nomata "gamo-aminoacido", ĉar en la molekula strukturo la aminogrupo situas ĉe la tria karbona atomo (gamo, la tria litero en la greka alfabeto, ĉi-tie en la signifo "en la tria loko") post la karboksila grupo (karbona atomo duoble ligita al oksigeno kaj simple ligita al oksigeno-hidrogeno-paro). La neŭrotransmisiilo ligiĝas al specifaj receptoroj, kiuj ordigeblas laŭ subtipoj A, B kaj C.
Ekster la centra nerva sistemo, la substanco inter alie havas gravan rolon en la insuletoj de Langerhans en la pankreaso kaj do influas la interrilaton inter insulino, glukagono kaj ensanga glukozo.