Heroono

Heroono en Sagalassos, nun Turkio.

Heroono, ἡρῷον, estas nomigita en la greka-romia arkitekturo sankta konstruaĵo aŭ tombejo de Heroo, kiu meritis specialan honorigon, plej ofte homo kiu fondis la tiean urbon Polis.

Se la konstruo fariĝis nur longe post la morto de la honorigita persono, ĝi estas memor-monumento, en greka lingvo kenotafos, tio estas cenotafo. Dum la Helenismo heroonoj ofte estis konstruitaj kiel urbaj kultejoj. Ili estis plej ofte lokigitaj je elstaraj lokoj sur aŭ proksime de Agoro aŭ rekte antaŭ la urbo-pordego.

Heroono en Agrigento, Sicilio.

Bone konataj Heroonoj estas:

• la Heroono por Diodoros Pasparos en Pergamo
• la Heroono de Kalidono
• la Heroono de Limira
• la Heroono de Trisa (nuntempe en Vieno)
• la Temenos en Pergamo
• la t.n. tombo de Theron en Agrigento
• la Heroono de Atilia Pomptilla en Cagliari je Sardinio
• elfosita konstruaĵo en Lefkandi estas supozata esti Heroono.
• Heroono en Pompejo sur la Forum Triangolare por Heraklo.

Literaturo

• Christoph Höcker: Metzler Lexikon antiker Architektur. 2. Aufl. Metzler, Stuttgart 2008, ISBN 978-3-476-02294-3. S. 130
• Monato, internacia magazino sendependa, numero 1995/03, paĝo 16: La cenotafoj en la antikvaj socioj verkita de Vladimir Ionesov.