Hwicce

El Vikipedio, la libera enciklopedio
Saltu al: navigado, serĉo

La Hwicce estis anglosaksa popolo de Anglio. Ilia teritorio korespondis proksimume al tiu de la diocezo de Worcester. Unue ili havis sendependan regnon: poste ili aliĝis al Mercia.

La unua certa mencio de la Hwicce estas en la historio de Bede. Ili estis verŝajne inter la unuaj anglosaksoj kiuj konvertiĝis al kristanismo, eble pro misioj de la keltoj kiuj daŭre loĝis en ilia regno.

Pli kaj pli kreskis la influo de Mercia, kaj fine, verŝajne antaŭ la fino de la 8-a jarcento, la regno iĝis parto de Mercia.

En 877, kune kun la aliaj regionoj de Mercia, ĝi agnoskis Alfredon la Grandan kiel reĝo.