Ivan Krestanov
Ivan Ĥristov KRESTANOV (naskiĝis la 28-an de oktobro 1890 en Pirdop; mortis la 4-an de aprilo 1966[1]) estis bulgara esperantisto kaj lektoro de fremdlingvoj. Li loĝis en Sofio. Dum sia 15-jara vivado en eksterlando vizitis preskaŭ tutan Eŭropon.
Li esperantistiĝis en 1905. Li eldonis dudekon da libroj kaj libretoj en kaj pri Esperanto, gvidis kursojn kaj faris paroladojn. Li estis senlaca kaj entreprenema aganto. Li estis membro de la Lingva Komitato kaj kunlaboranto de la Enciklopedio de Esperanto.
El liaj verkoj estu citataj:
- Bulgara Antologio,
- La Bulgara Lando kaj Popolo,
- Nuntempaj rakontoj,
- Vilao apud Maro,
- Vortaro de Esperanto por bulgaroj (aperis 3 eldonoj, 10 000 ekzempleroj).
- La miraklo de la deka jarcento[2]
Fontoj
- ↑ Aktoj de la Akademio 1963–1967, 2-a eldono, paĝo 20.
- ↑ Aperis en Flandra Esperantisto, sep. 1939, p. 132-133.
