Joxemari Sarasua
Joxemari SARASUA [ĥoŝEmarI sarAsuA] (naskita en 1970, en Bilbao, Eŭskio) estas eŭska tradukisto kaj membro de la Ibera Skolo. Doktoro pri matematiko kaj ĝia didaktiko. Esperantisto ekde 1987. En sia jun-aĝo li redaktoris la eŭskisman kaj skandal(et)an esperanto-gazeton Eŭska Kverko. Li ankaŭ movadumis en Eŭska Esperanto-Asocio. De tempo al tempo li publikigas en diversaj revuoj, krom tradukoj, ankaŭ libro-recenzojn.
Li loĝas en Bilbao. Profesie li estas docento pri matematiko en la Eŭska Universitato. Lia esplor-kampo estas matematiko kaj ĝia didaktiko.
[redakti] Libro-formaj Tradukoj
El la eŭska lingvo:
La baptofilino (eŭske Haur besoetakoa). Eld. Fonto, 2002. [1]
El la hispana lingvo:
Suzana kaj la ĉasistoj de muŝoj (hispane Susana y los cazadores de moscas). Eld. Fundación Esperanto kaj Eŭska Esperanto-Asocio, 2004. [2]
El la angla lingvo:
Mil naŭcent okdek kvar (angle Nineteen Eighty-Four), fama politika romano de George Orwell (1903 - 1950). Baldaŭ publikigota.
