Kabo Wickham estas la plej norda pinto de Reĝinsulo, Tasmanio. El tie, estas 90 km al la Kabo Otway ĉe la aŭstralia kontinento. En la 19-a jarcento, ŝipoj venantaj el Eŭropo foje klopodis navigi inter Kabo Wickham kaj Kabo Otway por pli mallonge veturi al Sidnejo, tamen tiu ŝipveturo estis danĝera kaj la kosto de la malsukceso alta; kutime okazis ŝipvrako ĉe la nepardonanta marbordo de la Reĝinsulo.
