Kabo de Sankta Vincento

El Vikipedio, la libera enciklopedio
Saltu al: navigado, serĉo
Aera vido de la kabo, kun kastelo Sagres

La Kabo de Sankta Vincento estas kabo en suda Portugalio (Algarvo). Ĝi estas la plej sud-okcidenta loko de Eŭropo.

La speciala situo de la kabo estis konata jam al romianoj, kiuj nomis ĝin "Promontorium Sacrum" (sankta antaŭmonto) kaj ĝin dediĉis al la dio Saturno. La helena verkisto Strabono, kiu vivis ĉirkaŭ la epoko, skribis, ke ĝi estas la plej okcidenta loko ne nur de Eŭropo, sed de la tuta loĝata Tero.

La vojon inter la kabo kaj la cetero de la kontinento baras kastelo Sagres, kiu estas nomita laŭ la proksima urbo Sagres. Sur la kabo troviĝas lumturo vizitebla por turistoj.

Ĉe la kabo okazis pluraj historiaj bataloj, la eble plej konata je la 14-a de februaro 1797 inter angla kaj hispana ŝiparoj.

Eksteraj ligiloj[redakti | redakti fonton]