Kamemberto
Kamemberto | |
---|---|
Ŝtato | Francio |
Deveno | Normandio |
Graso | 35-52 % |
Alto | 3 cm |
Pezo | 250 g |
Tipo | blankŝimofromaĝo |
Origino | bovina lakto |
USDA NDB numero | 01007 |
Kamemberto estas franca blanka ŝimofromaĝo, farita el bovina lakto.
De origino el Normandio. La fromaĝo tradicie estas farata el kruda, t.e. nesteriligita, bovina lakto. La plejmulto de la Kamembertoj tamen estas el pasteŭrizita lakto. La maturiĝa periodo daŭras proksimume tri semajnojn.
La pezo de kamemberto estas proks. 250 g, la diko 3 cm kaj la diametro de 10 ĝis 11 cm.
La nomo Kamemberto (france: Camembert), kiel uzata por la fromaĝo, ne plu havas rilaton kun la regiono el kiu ĝi devenas. Tiaj blankŝimaj fromaĝoj estas farataj eĉ en Nov-Zelando. La AOC nur estas la Kamemberto de Normandio (Camembert de Normandie).
Kamemberto estas farata el lakto acidigita per bakterioj el la familio de laktobacilaloj, kaj al la gusto aparte kontribuas enterokokoj.